La Usc di Ladins

Te prejëntes’a prëibel n curt?
Giulia Tavella Ie son Giulia Tavella, é 17 ani y feje la cuarta tlas dl ITE »Raetia« a Urtijëi.

Ciuni ie pa ti majeri nteresc?
Te mi tëmp liede vedi gën a ciaval, sa mont ntan l instà y cun i schi d’inviern. Mplu me sàl bel a cianté.

Savon che te fejes pea pra garejedes de saut al ciaval. Co ie pa unida a s’l dé ti pascion per i ciavei?
Mi pascion ie unida a s’l dé de gra a mi lava che me ova scincà n bon per jì cin iedesc a ciaval per la Prima Santa Cumenion, chël òvela bele scincà a mi sor, perchël me ovi nce ie mbincià chësta scincunda. Nscila éi pudù purvé a jì a ciaval y bele l prim iede me òvel sapù dastramp bel. Te chëi ani jivi mo cun i jadins, ma pona ovi udù ite che l me savova plu bel a jì cun l ciaval. Tl scumenciamënt pudovi mé jì dinrer y pona cun l tëmp for plu y plu suvënz, nchin che ngali éi scumencià a fé mi prima gare­jedes. (Ntervista de Nathalie Stuffer)