La Usc di Ladins

Nia le lu, mo la biscia é stada al zënter dla serada d’informaziun desfirada tla Biblioteca Sas dla Crusc La Ila lönesc sëra ai 6 d’otober. Sandra Hofer da Tlüses y Daniel Paratscha da La Ila é famëis de profesciun y á porté dant la tecnica dl vardé cun i cians y les rëis, chëra che ëi instësc pratichëia da deplü agn incá - la jona impormó da n valgügn agn, tratan che le famëi da La Ila á bele n’esperiënza de 15 agn da mostré sö y á lauré ince tl Venet y tla Val dl Adesc. Te chësta serada, metüda a jí dal Consëi de Formaziun Badia en colaboraziun cun l’Uniun Patrones Badia y la Biblioteca Sas dla Crusc, á i dui famëis porté dant deplü informaziuns sön le jí te munt cun la biscia, la tecnica dl vardé a tlap y co arjigné ca la biscia al pascenté te munt.
Tres i intervënc da pert dl dotur dai tiers Alexander Tavella, diretur dla seziun provinziala SCT6-Balsan, él ince gnü traté maraties y parasic che pó atoché la biscia y rapresenté n prigo implü sö alalt.



Deplü sön la serada d'informaziun podëise lí tla ediziun nöia de vëndres ai 17 d'otober!