La Usc di Ladins

Ence te la provinzia de Trent, descheche vegn jà fat te chela de Busan, per lascèr ju l auto ti picoi piac apede strèda sui jouves de la Dolomites se cognarà meter fora l segnaores. L é l tema de na proponeta de mozion portèda dant enstadì dal conseier ladin del grop Fassa Luca Guglielmi tel Consei Provinzièl de Trent, olache la é stata aproèda da duc a una.

Aldò de la burta parbuda che chest istà passà à soscedà n muie de critiches per l gran numer de mesi atrezé o no atrezé che empienia ogne picol piaz e ogne busc desponibol enlongia i jouves de Sela e Pordoi, Guglielmi à domanà de meter su te curt temp daperdut i segnai che l auto pel vegnir lascià ju demò per n temp curt determinà, a na vida che i polins posse controlèr e sanzionèr chi che no respeta chesta limitazion.

Se pel lejer dut su La Usc nr 40 dai 17 de otober, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.


 (LG)