La Usc di Ladins

La vegnarà prejentèda en lunesc al prum de dezember da les 6 da sera te Museo ladin de Fascia la neva graphic novel de Manuel Riz »Il pendio bianco. Storia sociale dello sci«.
Te più che doicent piates dessegnèdes una per una a man vegn fat n viac te la istoria e i protagonisć de chesta disciplina: a peèr via da la Preistoria, vegn contà de coche l schi sie stat de utol dant per jir a cacia, dapodò sie doventà n meso de trasport, n strument per l’esplorazion, aldidanché n devertiment per l turism de massa su la Èlpes. La sozietà co èla mudà i schi? O che sie stat l schi a mudèr la sozietà? Se aon fat na ciacolèda col artist.

Can él nasciù »Il pendio bianco«?
Manuel Riz Acà diesc egn aee vedù n liber su la storia del schi, me saea n muie bel la stories che l contèa e i personajes che l era ite. Me aee dit, ‘ma no él nesciugn che abie contà chest tant coi comics?’.

Se pel lejer dut su La Usc nr 46 dai 28 de november, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.



 (Nicoletta Riz)