La Usc di Ladins

A Poza i Krampus é rué na setemèna dant che rue Sèn Nicolò. Ma no pa bele n picol schiap, i era presciapech de 550, componenc de 24 gropes rué da dal Trentin, dal Sudtirol e ence da l’Austria per tor pèrt a la gran defilèda di Krampus che vegn metuda a jir vigni doi egn da la sociazion Krampus da Poza. Per chest event en sabeda ai 29 de november l paisc se à empienì fora de mesura de jent ruèda da duta la Tèlia, e la stragran maoranza no à troà post per jir a dormir, ajache de hotie averc n era dalbon pec. La strèda de Meida é stata serèda da mesa les sie domesdì fin mesa les diesc da sera, ma jà da mesdì enlongia la strèda l era stat metù ju duc i ciancie e inant les 10 da sera i era duc demez.
Del ejit de chest event che vegn metù a jir vigni doi egn, e de la costions leèdes al endrez, a la segureza e a la tradizion, n aon rejonà con Elia Casagranda, che dal 2022 l é l president di Krampus da Poza.

Se pel lejer dut su La Usc nr 48 dai 12 de dezember, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.




 (Lucia Gross)