La Usc di Ladins

A chisc jeghes olimpics l maor numer de medae per la Talia le é ruade da le garejade de feres de velozità. Te Fascia aldidanché no l é atlec che fasc velozità e short track, cheste discipline à ciapà pe fora per Piné, ma ti egn '70 e '80 ence chiò l era bec e beze, soraldut da Vich, che era rué a de bogn ejic ence a livel nazional. Mingol descheche aon documentà da pech su La Usc per le garejade de stroset, ence se no proprio a livel scì aut. Ampò, descheche l é sozedù per l stroset, ence l sport de velozità sui feres se à perdù fora canche dut l empegn, la gaissa e la spenta te val se à conzentrà demò sul schi alpin.
A ne enviar a ge dar na veiada en do tel temp a chest setor l é stat Claudio Merighi, che l ne à portà n veie retrat de bec per la rubrica »Chi él pa?« e l ne à contà de canche l aea metù ensema na squadra de bec e beze e l ge ensegnaa a jir coran e a far le garejade sul ciamp de la giacia te Ciampian. Bruno Ghetta de Martin e soa femena Dora i ne à contà de canche i enjignaa chest ciamp de giacia.

Podede lejer dut su La Usc dai 27 de firé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)



 (Lucia Gross)