La Usc di Ladins

En vender ai 6 de mèrz l é stat la radunanza de la Musega Auta Fascia, te chela che l é stat metù dant l bilanz de la sociazion e i numeres de l’atività. Apede l é stat endrezà n moment istituzionèl de recort de canche acà 20 egn l é stat metù su chesta realtà musicala; vèlch de gran anteveder tant per la graneza del projet che per esser stat la pruma realtà che à metù ensema i trei paijes de la val de sora.
Te sala l é stat envià i sozi fondadores de la Musega, i ombolc e i assessores a la cultura de Cianacei, Ciampedel e Mazin e i presidenc de l’autra Museghes che enlouta aea lurà acioche vegne metù su la Musega Auta Fascia.

L president Franz Mazzel à chiamà apede a el Paolo Rasom, Enzo Rovere, Adriano Planchensteiner, Renato Bernard e Francesco Pitscheider. Ensema a el, chest l era l grop de lurier che aea scomenzà a se troèr jà del 2005 con chela de meter su la Musega.

Podede lejer dut su La Usc dai 13 de mèrz da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)

 (Nicoletta Riz)