La Usc di Ladins

Al orden del dì del Consei, desche te duc i Comuns te chest temp del an, l era l'aproazion del rendicont del ejercizie finanzièl 2025 e la variazions del DUP e del bilanz de previjion per i egn che vegn. L ombolt Giovanni Bernard à metù dant avisa duta la oujes de entrèda e de speisa e l à rejonà de lurieres envié via e en program.
L rendicont se sera con n arvanz de aministrazion de 3 milions e 300.000 euro, de chisc 2.800.000 desponiboi e no vincolé o destiné.
L vizeombolt Dimitri Demarchi à portà dant la domana per intervenc en deroga de la sozietà Funivia Ciampac e Contrin per fèr mioramenc te la stazion a val che é stata aproèda da duc, desche la domana de smaorament del My Kosher Hotel ta Dèlba. La sozietà MKH RE srl, de proprietà per maor pèrt de zitadins israeliegn, perveit n intervent che smaora la rezetività da 100 a 114 lec con 5 cambres de più e perveit ence desvalives etres smaoramenc e mudamenc.

Podede lejer dut su La Usc dai 8 de mé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)

 (Lucia Gross)