La Usc di Ladins

L rendicont de gestion del 2025 de l’Aministrazion de Moena se à tout gran pèrt de la sentèda de Consei chiamèda ite en jebia ai 30 de oril con duc i assessores che à portà dant tel detai operes e finanziamenc de sie assessorat. »La gestion 2025 se à moet te n cader economich amò complicà per chel che varda i cosć di servijes – à dit dantfora l assessor enciarà al bilanz Alessandro Degiampietro – ma Moena à responet con na resilienza straordenara.
Del 2025 l Comun à spenù 13.602.713 euro. Descheche à spiegà i assessores Maurizio Deville e Giancarlo Ramus la pèrt più grana é jita te la infrastrutures, trasporc e mobilità: i pents sul rif de Costalongia, l’area sud de paisc con l marciapé e la fermèda de la corieres e l portoi per la rodes. La conseiera Annalisa Zorzi à proponet che vegne metù più ressorses per l sozièl, per la sostegnibilità e per i sentadins.

Podede lejer dut su La Usc dai 8 de mé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)

 (Monica Cigolla)