La Usc di Ladins

Tel chèder de l’Aisciuda Ladina 2026, enstadì te Museo Ladin de Fascia l é stat prejentà l Rosengarten Bus, na neva proponeta turistica e sozièla, che à chela de conjobièr trasporc, ambient, cultura, sozietà. L projet, che se met dant desche ejempie inovatif de turism sostegnibol da poder replichèr te n muie de etres posć, l é stat portà dant da la sociazion Transdolomites en colaborazion con n grum de partner: la Majon di Fascegn, l Muse, l Museo Geologich de Pardac, l Museo de Scienzes de Busan, l Bim Adesc, l Cep e le ApT de Fascia e de la Val d’Ega.

Do l percors de la linia 180 de la coriera che da Busan rua te Fascia, l grop de lurier vidà da Massimo Girardi, president de Transdolomites, l à lurà fora n troi culturèl, che descrif e viventea spazies e paijes che man a man se scontra do stradon canche se vegn sa mont. Sul portal www.rosengartenbus.eu, sun chel che l é stat descrit e metù a jir dut l projet, l é informazions e sacotanta fotografies, che ge dèsc l met ai ghesć che rua da la zità de sperimentèr jà endèna so viac l valor e la marevea di lesc da mont e de se enjignèr con gust a vijitèr la atrazions che i podarà veder più da vejin ti dis de ferie.
Te la dì de prejentazion, en martesc ai 19 de mé, per prumes a proèr l Rosengarten Bus l é stat i scolees de la classes terzes de la populères de Vich e de Poza, te na bela dì sa mont endrezèda en colaborazion anter Majon di Fascegn e Scola Ladina de Fascia.

Podede lejer dut su La Usc dai 29 de mé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Thomas Zulian)