La Usc di Ladins

Deguna festa di lëns? Chëla no ne va. Ai mutons y ala mutans ti sal uni ann bel a pudëi jì tl bosch, senté n lën, ti taché ntëur na pinta y passé dopro for inò a cialé sce l ie chersciù. Ma dantaldut iel na scumenciadiva, che ti nsënia ai mëndri che n muessa cialé dl bosch y che l ie de valor per duc nëus.

I maestri y la maestres dla scola elementera de Santa Cristina ne n’à chëst ann de scola metù a jì deguna jites y ativiteies extracuriculeres, davia che i à fat pea pra la prutesta di nsenianc dl Südtirol per n miëur paiamënt y recunescimënt de si lëur. A chësta maniera àn nce desdì la festa di lëns.

L Chemun de Santa Cristina, la Lia dl Turism de Santa Cristina y la furestela de Gherdëina se à mpensà che l fossa mpo da la fé, che l fossa bën sciot sce l jissa dut ala nia. Y nscila l'ai metuda a jì y nvià ite duc i mutons y la mutans dla scola elementera, nia ntan scola, ma do scola, n mierculdi domesdì dl’ena passeda.

Elisabeth Kostner

L articul va inant tla edizion nueva de La Usc di Ladins de duman vënderdi ai 29 de mei.