La Usc di Ladins

Descheche l é stat uzà fora dal Pian Provinzièl Demenzes – XVII Legislatura, aproà de setember del 2025, un di obietives strategics l é l svilup de comunanzes amiches de la persones con demenza, aspet jà envià via e sostegnù dal Pian Provinzièl da inant e che l passa da la colaborazion nezessèra anter enc locai, Asuit (Azienda Sanitèra Universitèra integrèda del Trentin), sociazions Alzheimer de referiment, terz setor e ence la medema comunanza, tel vers de na coresponsabilità condividuda con chela de sostegnir più che se pel l benstèr de la persones con demenza e de sia families.
Dachelanvia l Comun General de Fascia, travers l lurier coordenà dal Servije sozio-assistenzial Spazio Argento, à portà dant sie Pian Trienal 2026-2028 che l é stat aproà da pech da man del Servije Politiches sanitères e per la no autosufizienza.
Per scomenzèr a valorisèr la ativitèdes del nef Pian, l Servije sozio-assistenzièl endreza na scontrèda dedichèda a la prejentazion de la azions en program, en jebia ai 4 de jugn da les 16:30 te sala de Consei del Comun General de Fascia.
Te chesta ocajion ge vegnarà dat lèrga a n aprofondiment spezifich su la fegura del Aministrador de Sostegn da man de la dotora Jlenia Polli, referenta per la Sociazion Comitat per l ADS tel Trentin.

Podede lejer dut su La Usc stampèda dai 29 de mé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (CT)