La Usc di Ladins

L prum de aost l é se n jit do longia malatia l ultim di fies de la gran familia de Marino Pederiva Brognol da Vich.
Ti egn do la pruma vera mondiala Marino l à maridà Ida, i à abù na gran familia, i stajea a Val de Vich: Fabio, Fritz, Luciano, Tullio, la soula ela Silvana e Italo l più joen.
Marino l era un di alpinisć de la generazion a ciaval del 1900, n muie cognosciù tel ambient alpinistich de enlouta, chel di menacrepes Tita Piaz, Luigi Micheluzzi e autres.
Ence i fies ge é jic do a le pedie del pare: Fabio l é doventà menacrep di egn 1950, Fritz ence bon alpinist, l à abù en gestion per n muion de egn la utia de Ciampedie e Tullio ti egn del 1950/60 l é doventà istrutor de alpinism. Ence l fi Bruno l é n cognosciù alpinist e menacrep e con el l é jit inant la tradizion de ciasa.
Jun Busan Tullio l à cognosciù sia femena Mitzi Freisinger e del 1959 i se à maridà, i à metù su ciasa a Bronzol e i à abù cater fies.
Con peconc gregn alpinisć de chi egn l rampeea e l verc de neve vie sui più senestres parees de la Dolomites. Sul Ciadenac, Vaiolet, su la Comici del ’Salame’ del Saslonch, sul Crozon del Brenta, su la giaceres del Ortles e de la Èlpes ozidentales. Del 1971 l é jit su la senestra torn del Latemar adum a Renzo Bez, torn fata amò n’outa del 1977 col fi Bruno, aspirant alpinist de 17 egn, cognosciuda tel mond alpinistich desche Torn Pederiva.

De più tel recort su La Usc stampèda de en vender ai 14 de aost del 2026


 (Fernando Brunel)