La Usc di Ladins

Dotours
Dutor Gherdëina
L dutor de servisc dala 08:00 de n sada ai 15.08. nchin la 08:00 daduman de n lunesc ai 17.08. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia 
Ti comuns de Mareo y San Martin él en sorvisc tla fin dl’edema lungia dai 14 ai 16 de agost la doturia Stefania Febbraro, Al Plan, tel. 377 3288595. Ti comuns de Badia, Corvara y La Val él en sorvisc ai 14 y 15 de agost le dotur Giovanni Crivellaro, La Ila, tel. 348 0014266. Ai 16 d’agost él en sorvisc la doturia Jasmine Gabrieli, La Ila, tel. 371 7515275.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 14.08. nchin n vënderdi ai 21.08. ie chëla de Sëlva, tel. 0471/795142 o 333/1776615, (davierta dala 8:30 - 12:30).
Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 14 d’agost dales 19:00 al vëndres ai 21 d’agost ales 19:00, é chëra da Corvara, tel. 0471 830237.

Publizistica
17.08.
N liber – na mont: ancunteda cun l autëur Carlo Cottarelli
Per la lingia dl’ ancuntedes cun i:la autëures iel ai 17 de agost dala 17:30 a Urtijëi tla Cësa di Cungresc l’ancunteda cun Carlo Cottarelli, scritëur dl liber »L‘economia facile – Risposte semplici per capire il mondo«.
19.08.
N liber – na mont: ancunteda cun l autëur Marco Forni
Per la lingia dl’ ancuntedes cun i:la autëures iel ai 19 de agost dala 17:30 a Urtijëi tla Cësa di Cungresc l’ancunteda cun Marco Forni, scritëur dl liber »Zeitgeist«.

Leteratura
Atualmënter
Incuntades leterares tl’Alta Badia
A Corvara él deplü auturs taliagn che presentëia sü libri: ai 14.08. Antonella Viola, ai 16.08. Giovanni Grasso, ai 18.08. Carlo Cottarelli. Les incuntades é dales 18:00 tl salf dles manifestaziuns.
21.–25.08.
Summer School Südtirol
La SAAV (lia di autores y dla autëures de Südtirol) mët a jì nce chëst ann la Summer School Südtirol tl ciastel a Feldthurns. L argumënt de chëst ann ie l’amezizia. N vënderdi ai 21 de agost dala 18:00 inant uniràl rujenà de amezizies che forma cultura, ulache l sarà nce n cuntribut/ntervënt de Rut Bernardi.
25.08.
Al Plan: presentaziun de »Der Wind des Lebens«
Le Consëi de Formaziun d’Al Plan y la Biblioteca Angelo Trebo inviëia ala presentaziun dl liber »Der Wind des Lebens« de Markus Fischnaller da La Pli. L’autur liará dant pinsiers fora de so liber, en mertesc ai 25 d’agost dales 20.00, a Al Plan pro la yurta (plaza dai jüc Pespësc). Sce al foss bur’ tëmp, vëgn la presenta­ziun tignida tla biblioteca »Angelo Trebo«.

Mostres y Ert
Atualmenter
Imprescions de Fernando Brunel
Fin ai 23 de aost te Tobià de Val a Vich se pel veder la mo­stra Imprescions de Fernando Brunel con l’Union di Ladins de Fascia con orarie da les 16:00 a les 19:00.
Atualmenter
Jocalo mostra a Vich
Fin ai 21 de aost te la scoles populères de Vich se pel veder la mostra scientifica ‘Jocalo’ de Inout e la Scola Ladina de Fascia: lunesc e mercol da les 15:00 a les 19:00 e da les 20:00 a les 22:00; mèrtesc, jebia, vender e sabeda da les 15:00 a les 19:00, domenia serà.
Atualmenter
Mostra de èrt te Museo Ladin
Fin ai 27 de aost te Museo Ladin a Sèn Jan se pel veder la mostra ‘Melaures de la men­dranzes’, n viac anter l’èrt de la comunanzes ladina, mo­chena e zimbra. Orarie: da domenia a vender da les 10 a les 12 e da les 16 a les 19.
Atualmënter
Mostra »Prospective«
L Tublà da Nives nvieia de cuer ala mostra »Prospective«, de Christine Runggaldier, Valeria Stuflesser, Damian Piazza y Thomas Delazer. La mostra sarà da udëi nchin ai 27 de agost. Orars: me-du, 16:00–19:00; de merdi, mierculdi y vënderdi nce dala 20:00–22:00.
Atualmënter
La lerch danterite
N vënderdi ai 24 de lugio dala 17:00 iel la giaurida dla mo­stra dl artist de Urtijëi Her­mann Josef Runggaldier tla Hof­burg de Persenon. La mostra ie da­vierta ntan i orares de giaurida dl museum dla Hofburg de Persenon, uni di dala 10:00 ala 18:30, y sarà da udëi nchin ai 15 de nu­vëmber.
Atualmënter
Mostra: Mumënc tla Dolomites
La mostra de fotografies de Gabriel Demetz tla biblioteca Tresl Gruber a S. Cristina resterà da udëi nchin ai 31 de agost ntan i orars de giaurida dla biblioteca.
Atualmënter
Mostra »Mumënc«
L Café Surëdl a Urtijëi nvieia de cuer ala mostra dal titul »Momente – momenti – mu­mënc«, che resterà davierta ntan l orar de giaurida (lu–vë, 09:00–19:00) nchin ai 11 de setëmber. Artisć:tes che mët ora: Sabine Brugger, Siegfried Stauder, Anneliese Hofer Heiss.
Atualmënter
»Corpi Santi« & »Gli eredi della solitudine«
Tla galaria Doris Ghetta a Pun­tives iel metù ora la mo­stra »Corpi Santi« de Pietro Moretti y »Gli eredi della soli­tudine« de Alessandro Twom­bly, che sarà davierta nchin ai 12.09.
Atualmënter
(Future) Paradise Gardens
A Urtijëi, ma nce ti autri doi luesc dla valeda, iel da udëi nchin ai 13 de setëmber la nsta­lazions d’ert dla Bienela Gherdëina. Plu nfurmazions sot a www.biennalegherdeina.org
Atualmenter
Operes de Sieff a Soave e Lana
L artist da Ciampedel Mat­thias Sieff met fora sia scul­tures maestouses per dut istà tel zenter storich de Soave (VR), che con la mostra »Guar­diani della storia« do­venta n museo a ciel avert. Sieff met fora sia operes ence te la esposizion »Frauen/Donne« per endrez del Kultur­verein K.art che restarà fora ti vidores de Lana fin ai 8 de november.
Atualmënter
Mostra de Silvia Nava
Tl salf dles manifestaziuns a Corvara él da odëi vigni sëra, cina ai 20 d’agost, la mostra »Infiniti spazi, infiniti silenzi« de Silvia Nava.
Atualmënter
Mostra »Grafika« tla galaria Raiffeisen a Bornech
Tla galaria Raiffeisen a Bor­nech él cina ai 2 d’otober la mo­stra »Grafika«, cun laurs de Christian Piffra­­der, Elisa Alberti, Emily Oberschmied, Gino Alberti, Karl Egger, Karl Theo Stam­mer, Kuno Mayr, Linda Wolfs­gruber, Lois Anvidal­farei, Markus Moling, Roberto Pallestrong y Thomas Walder. Orars: lönesc cina mercui 8:00 – 12:30 y 14:30 – 16:30; jöbia 8:00 – 12:30 y 17:00 – 18:30; vëndres 8:00 – 12:30.
21.–28.08.
Mostra »Furceles de Gherdëina«
La mostra cun la vint fotogra­fies plu beles ora dl cuncors fotografich »Furceles de Gher­dëina«, sarà metuda ora dai 21 nchin ai 28 de agost te Sëlva, sun plaza Nives y tla streda Mëisules. Tres i social o nce diretamënter ilò puderà l publich lité la fotografia che ti plej l plu. La premiazion sarà ai 28 de agost.
Mierculdi y dumënia
Vijites menedes tres la Bienela
La vijites menedes tla rujeneda tudëscia, taliana y nglëija vën fates uni mierculdi y dumënia dala 10:00 nchin la 13:00. N se anconta dan l Info Point tl self Trenker a Urtijëi. Priesc: 10,00€ + ntreda. N possa se nuté su nchin la 18:00 dl di dant sun la plata dl Val Gar­dena Active.

Mujiga
14.08.
»Tributo Italiano« – festa de mujiga taliana
Sun plaza de Chemun de Sëlva saràl ai 14 de agost dala 21:00 inant n cunzert de mu­jiga taliana cun la grupa »Tri­buto Italiano«. Si gran reper­toire va dala mujiga di ani ‘50 nchin ai perc de ncueicundì.
15.08.
Cunzert – Big Band Intica
Sun plaza de dlieja a Urtijëi dajerà la grupa Big Band Intica n bel cunzert de mujiga che cunlieia i sonns tlassics Big-Band cun l jazz modern. L apuntamënt ie ai 15 de agost dala 21:30 inant.
15.08.
Badia: conzert y lotaria
La Müjiga de Badia tëgn conzert en Santa Maria dal Ciüf ai 15 d’agost, dales 11:00, sön plaza da San Linert. Al sará ince l’estraziun dla lotaria.
15.08.
Al Plan: conzert y lotaria
La Musiga d’Al Plan tëgn conzert en Santa Maria dal Ciüf ai 15 d’agost, dales 11:00, sön paiun d’Al Plan. Al sará ince l’estraziun dla lotaria.
15.08.
Rina: conzert dla Musiga
Indoman sabeda ai 15 d’agost, festa de Santa Maria dal Ciüf, dales 10:00, él la Musiga da Rina che tëgn conzert tl zënter de paisc.
15.08.
Cianté y soné sön munt tl’Alta Badia
Tl’Alta Badia vëgnel pité ince chësc ann la iniziativa »Cianté y soné sön munt«. En domënia ai 16 d’agost dales 13:30 inant sona tla ütia »Incisa« le duo Bruno y Sepl.
16/18/20.08.
Conzerc del Cor Valfassa
Domenia 16 de aost l Cor Val­fassa, sot la direzion del maester Stefano Lazzer, cianta te gejia de Dèlba, mèrtesc 18 de aost da les 21:15 a La Gran Ciasa a Soraga e jebia 20 de aost da les 21:15 tedant l ofize di foresć a Vich.
17.08.
Lux Aeterna a Moena
Lunesc 17 de aost da les 21:00 te gejia de Moena la Corala Ensemble Canticum Novum con la direzion del maester Ilario Defrancesco porta dant l conzert ‘Lux Aeterna’.
18.08.
Conzert omaje a Morricone
Mèrtesc ai 18 de aost da les 21:00 te teater del PalaDolo­mites a Ciampestrin l’Orche­stra dei Colli Morenici porta dant n conzert omaje al mae­ster Ennio Morricone con la partezipazion del sopran Elena Camo.
18.08.
Cunzert dl Classical Mood Quartet
Sun plaza de Chemun de Sël­va saràl ai 18 de agost dala 21:00 inant n cunzert cun n valguni di plu biei pec y me­ludies dla mujiga da film americana.
19.08.
Mujiga da camera a S. Cristina
Tla dlieja de S. Cristina dajerà la familia Ploner »Da Caspier« n bel cunzert de mujiga da camera, ai 19 de agost dala 21:00.
19.08.
Conzert de la Musega da Vich
Mercol 19 de aost da les 21:00 la Musega da Vich, sot la di­rezion del maester Alessandro Ghetta, ponta via dal zenter del paisc de Ciampedel e va ju fin te Ischia olache la tegn sie conzert.
20.08.
Conzert dla Musiga da San Martin
La Musiga da San Martin tëgn conzert en jöbia ai 20 d’agost dales 21:00, sön paiun da San Martin.
20.08.
Cunzert dla Mujiga de S. Cristina
La Mujiga de S. Cristina su­nerà ai 20 de agost dala 21:00 inant sun plaza de Chemun te Sëlva.
20.08.
Conzert de la Musega de Poza
Jebia 20 de aost da les 21:00 la Musega de Poza, sot la direzion del maester Giancarlo Dorich, va en defilèda fora per l paisc de Dèlba e la tegn sie conzert te piaz vejin al ofize di foresć.
21.08.
L Cor Enrosadira ja L Forn
Vender 21 de aost da les 21:00 tedant la gejia ja L Forn l é l conzert del Cor Enrosadira con la maestra Barbara Pe­drotti.
21.08.
Conzert de la Musega Auta Fascia
Insnet, vender 21 de aost da les 21:00 ló da La Gran Ciasa a Soraga l é l conzert de la Musega Auta Fascia sot la bacheta del maester Fabio Riz. Dantfora defilèda fora per paisc con l Grop Folk de Soraga.
21.08.
Al Plan: conzert dla Musiga da San Scimun
La Musiga da San Scimun tëgn conzert en vëndres ai 21 d’agost dales 21:00, sön paiun d’Al Plan.
22/23.08.
Elsa Martin a La Grenz e sun Ciampedie
Sabeda 22 de aost da les 21:30, tel chèder di evenc de Fascia Panorama Music, a La Grenz de Moena l é l conzert de la ciantarina furlèna Elsa Martin te »Vox Humana«. Domenia 23 la ciantarina se ejibirà sun Ciampedie da les 11:30 con l baterist Andrea Ruggeri da la Sardegna te ‘Mustras’.
22.08.
Jëuni Rocking Sëlva
Nce chëst ann mët i Jëuni de Sëlva a jì l festival de mujiga, n sada ai 22 de agost dala 18:00 inant sun Plaza de Chemun te Sëlva. L sarà na bela sëira de mujiga cun aurela curta, zeche de bon da maië y da bever.
Uni mierculdi
Trio di corni da mont »Ladinia«
L trio »Ladinia« sunerà si corni da mont uni mierculdi dala 16:30 nchin la 17:30 te Val. Dai 31 de lugio nchin ai 28 de agost sunerài nce de vënderdi, for dala medema ëura te Val.

Avisc
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30; mercui ince dales 15:00 ales 17:00. Contac: 0474 410303 o info@frauenhelfen frauenbruneck.it
Atualmënter
Iniziativa di ëi de Puster
L’ofize é tla str. Dante 2m a Bornech (Stern­hof) y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-puster tal.it
14-16.08.
Sègra de Sèn Roch
Con anché, vender ai 14 de aost taca ite la sègra ta Penìa per i Sènc Roch e Bastian con l Grop de la Mèscres de Dèlba e Penìa ló da la veia Sia. Vender la festa taca da les 17:30, sabeda da les 11:00 con marena e musega. Do­menia h. 10:30 messa, h. 11:00 conzert grop folk Pinetano, marena, h. 15:00 defilèda da piaz de Penìa, h. 18:00 mu­sega.
15.08.
Festa di Omign da Mont
Sabeda 15 de aost l é la Festa di Omign da Mont a Ciam­pedel: h. 9:00 se se troa te piaz, h. 9:30 messa grana, h. 10:45 defilèda fin tedant al monument de la guides con curta zerimonia.
15.08.
Defileda dla trohtes dla lies de Sëlva
Ai 15 de agost dala 16:00 saràl la defileda tradiziunela te Sëlva, che peia via da plaza Nives, tres la streda Mëisules nchin sun Plaza de Chemun.
17.08.
Sorvisc de sostëgn bunorí por les families
Le Sorvisc de Sostëgn bunorí por families é n sorvisc por düc i geniturs che vëgn docá, geniturs susc y families cun mituns danter 0 y 3 agn, che é te situaziuns de desfida. Al vëgn pité danterater sostëgn ales families te de ries situa­ziuns, soluziuns por smendrí le stres familiar ez. Le sorvisc é debann, confidenzial y volon­tar. Al é a desposiziun te raiun soziosanitar a Picolin, ai 17 d’agost dales 8:30 ales 11:30. Infos: 333 6203945 o fruehe.hilfen@bzgpust.it
Uni merdi
Marcià tradiziunel di paures y di artejans
Uni merdi, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena uniràl prejentà n mestier da artejan y l ne mancerà nia ntratenimënt de mujiga.
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon online« per chi che scumëncia y chi che ulëssa miuré si ladin: uni mierculdi dala 18:00–19:00. Duc possa fé pea, l basta nstalé l prugram »TEA­MS« sun l computer y jì ite sot a chësc link: https://url-shortener.me/GIBM
Uni juebia
Chino da d’instà per mutons:ans
Dai 23 de lugio inant – per cater juebies ndolauter, for dala 17:00 – uniràl mustrà n film per mutons:ans tla sala dla biblioteca de San Durich a Urtijëi. La ntreda ie debant. La lista di films ie da abiné te biblioteca.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
11.08.
Sport Ladin
Dales 20:50 ca. Test y conzet Diego Clara, produziun Zak, a cura de Leo Senoner.
12.08.
Cult – le degan Siur Sepl Granruaz
Dales 20:50 ca. Test y conzet Daria Valentin, produziun Karbonvideo, a cura de Ales­sandro Dapunt.
13.08.
Cult – la filodramatica de Anpezo
Dales 20:50 ca. Test y conzet Giulia Tasser, produziun Kar­bon­video, a cura de Alessan­dro Dapunt.

Referac
17.08.
Zënza limit cun Alex Schwazer
En lönesc ai 17 de agost dales 21:00 él tl salf dles manifesta­ziuns da Corvara na serada cun Alex Schwazer. L’atlet cunta de süa cariera sportiva, danter alc y basc.
20.08.
Aitra: na sëra cun chi dl parch natural
La linia de incuntades dl cërtl »Atira« vá inant en jöbia ai 20 d’agost dales 21:00, tl salf dles manifestaziuns a Corvara. Matteo Rubatscher dl Parch Natural Fanes – Senes – Braies cuntará di tiers y dla flora ti raiuns sot a sconanza.

Chino
Atualmenter
Al chino de Cianacei
Anché, vender 14 de aost da les 21:00 l é l film »Odissea«, sabeda 15 e domenia 16 da les 21:00 l é »Spider-man: brand new day«, mèrtesc 18 da les 17:30 per AperiKino musega live con »Elena & Alessandro Duo«, vender 21 da les 21:00 l é »Odissea«. Info: @cinemateatro marmola dacanazei.
Atualmenter
Al chino de Tieser
Anché, vender 14 h. 17:00 en 2D e h. 21:15 en 3D l é »Spider-Man: brand new day«, sabeda 15 h. 21:15 l é »La fine di Oak Street«, domenia 16 h. 17:30 l é »Toy Story 5« al cost de 5 euro e h. 21:15 l é »Robin Hood–Il prezzo del sangue«, lunesc 17 h. 17:15 e 21:00 l é »Odissea«, mèrtesc 18 h. 17:30 e 21:15 en 2D l é »Minions & Monsters«, mercol 19 h. 17:00 l é »Spider-man: brand new day« e h. 21:15 l é »Robin Hood–Il prezzo del sangue«, jebia 20 h. 17:00 l é »Oceania«. Info: www.cinema tesero.com.

Cursc
Atualmënter
Mparé a cunëscer l Line Dance
La lia ASD BaL Beat and Line mët a jì n curs de Line Dan­ce per duc chëi che ulëssa scumencé y mparé a balé chësta sort de bal. N se an­conta uni mierculdi dala 19:30 tla palestra dlongia la sënta di Destudafuech a Runcadic. Dai 16 de setëmber inant scu­mëncia nce l curs per mu­tans y mutons dai 7 ani insù, re­cunesciù coche materia de nseniamënt fa­cultativa dala scola elementera de Urtijëi.
Vigni jöbia
Curs de yoga sön munt
Alexandra Din tëgn n curs de yoga sön munt, vigni jöbia cina ai 27 d’agost, tres dales 15:30, pro la ütia »Las Vegas« a San Ciascian. Prenotaziuns online sön www.moviment.it
21.08.
Curs de ladin sön munt
En vëndres ai 21 d’agost dales 14:30 vëgnel tigní n curs de ladin sön munt, pro la Ütia Lée a Badia. Daria Valentin spliga deplü sön le lingaz. Al n’ó ester degöna prenotaziun.

Segres y Festes
15.08.
Festa dla Gran S.Maria
De plu lies de Sëlva nvieia ala festa de »ferragosto« cun gru­pes de mujiga y dala 16:00 cun la defileda dla trohtes, n sada ai 15 de agost dala 11:30 inant sun plaza de Chemun de Sëlva.
15.08.
Gran Santa Maria – Urtijëi
La Santa Mëssa per zelebré la Gran Santa Maria, ai 15 de agost, sarà dala 09:00 tla dlieja de San Durich. L unirà benedì craitles de medejina y ciofs, coche da tradizion. Do mëssa saràl la defileda dla trohtes tres l raion da jì a pe nchin sun plaza de Sant An­tone, acumpanieda dala mujiga dl Trio Ladinia.
19.08.
»Paisc en festa« a San Ciascian
En mercui ai 19 d’agost él l’ul­tim apuntamënt cun le »Paisc en festa« a San Ciascian. An mët man dales 16:00 cun n pice marcé y al vëgn dé fora spezialités gastronomiches. Domisdé sona »!nes&Sophia« y »Vic&Daniel«, da sëra él da aldí »The Jam’son« y le »Arton Duo«.

Sozial
Atualmënter
Family Support
L servisc Family Support pieta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mu­tons:ans o judé ulache l ie debujën. L servisc ie debant y duc possa s’l damandé. Per nfurmazions pòssen scrì a gherdeina@family-support.it
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y ala families te situazions de duel. L vën damandà na cuota anuela de 50 euro. Per nfur­ma­zions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
14.08.
Deberieda – Grilieda
N se anconta n vënderdi ai 14 de agost dala 12:00 dan l Raion Sozel a Urtijëi (vedla Cësa de paussa) per fé na bela glilieda y maië n cumpanìa. »Deberieda« ie na grupa che mët a jì ancuntedes danter ulenteres y persones che à pro­blems psichics o de sozia­lisazion.

Sport
Atualmënter
Curs de sauté
I Gherdëina Runners mët a jì n curs cun l alenadëur Diego Soppelsa. L curs sun l ciamp dal sport Mulin da Coi ie uni merdi dala 19:00 per dut l instà. Duc ie de cuer nviei, nce de tei che scumëncia permò.
14.08.
Giro de le Notole
Anché, vender 14 de aost la Monti Pallidi endreza a Mo­ena la corsa a pe ‘Giro de le Notole’ con partenza da les 9 da sera te piaz de Sotegrava. Domesdì festa te paisc con musega.
14.08.
Fascia Falcons vs Gherdëina
Insnet, vender 14 de aost da les 20:45 te stadie de la giacia de Dèlba l é na partida hockey de pre-campionat di Fascia Falcons contra l HC Gher­dëina.
14-23.08.
Tornoi de tennis
Dai 14 ai 23 de aost sui ciam­pes de tennis de Moena l zircol tennis Moena ASD endreza l tornoi Cassa Rurala dedicà a la memoria de Ezio Damolin con presciapech 70 tenisć.
18.08.
Garejeda de arpizeda per mutons
Tla palestra de arpizeda te Sëlva vëniel metù a ji , ai 18 de agosta dala 20:30 inant, na garejeda de arpizé per mutons y mutans danter i 6 y i 12 ani. Duc possa fé pea, nce chi che scumëncia. N possa se scrì ite n chël di te palestra.
20.08.
Juesc dl HC Gherdëina
L HC Gherdëina se njenia ca per la proscima sajon. N chësta ucajion fajerài plu partides tl stadium Pranives te Sëlva: la proscima sarà ai 20 de agost dala 20:45 contra i Unterland Cavaliers.

Temp Lede
Uni lunesc
Kids Night – juesc y devertimënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:30 inant uni lunesc nchin ai 24 de agost.
Uni merdi
Pastelné cun materiai naturei
Sun pitla plaza de Sant Antone a Urtijëi puderà i mëndri y la mëndres pastelné cun materiai naturei (puc, rames, pleces, ciofs, y n.i.): uni merdi dala 14:30 nchin la 18:00. Priesc: 15,00–20,00€. Duc ie nviei de cuer.
Uni mierculdi
Sëires de juesc cun la lia Trix
Sun la plaza dan la biblioteca »Tresl Gruber« a S. Cristina mët la lia Trix a jì de plu sëi­res cun juesc da mëisa: uni mier­culdi dala 19:30 nchin la 21:30.
Vigni mercui
Al Plan: laboratore de Daksy
Vigni mercui dales dales 10:00 ales 11:30 él te Ciasa dl parch a Al Plan le »Laboratore natöra de Daksy«, por mitans y mi­tuns da 6 a 12 agn, olache al vëgn aprofondí tres jüc les conescënzes sura plantes, tiers y geologia. Ai 19 d’agost nen jarára dl tema »Jun a munt«. Al é debann, mo da s’anun­zié anter le mertesc al 0474 506 120 o ala mail info.fsp@pro vinz.bz.it – posć limitá.
Uni mierculdi
Marcià de sëures y de tradizions
Uni mierculdi nchin ai 12 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradi­ziunel y maië velch de bon dl raion.
Uni mierculdi
Marcià de prudoc dl luech
L pitl marcià de prudoc dl luech sun pitla plaza de Sant Antone a Urtijëi sarà inò da­viert uni mierculdi dala 15:00 nchin la 19:00.
Uni juebia
»Flying Aperitivo«
La manifestazion unirà fata nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif. Da bur’ tëmp vën la manifesta­zion spënta. L ie da se scrì ite nchin al di dant pra la Lia dl Turism de Santa Cristina o diretamënter pra l mplant dla Mont de Sëura.
Uni vënderdi
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, for de vënderdi dai 3 de lugio inant (ora che ai 31.07., 21.08.). Sambën ne manceràl nia de bela mujiga.
16.08.
Domesdì dëuc
Tres la streda Dursan a S. Cristina saràl ai 16 de agost dala 16:00 inant n domesdì ntan chël che l unirà pità d’uni sort de cëifs dëuces. Ntan l do­mesdì sunerà Mattia De­metz.
16.08.
Sand Show – magia y ert cun l sablon
Tl Pavillon sun plaza de Che­mun te Sëlva uniràl pruietà dal vif i lëures che artisć y ar­tistes fajerà cun l sablon. La cumbinazion de ert, mujiga y cunties crieia n’atmosfera unica. La manifestazion scu­mëncia dala 21:00.
16.08.
Francesco Vidotto a Poza
En domenia ai 16 de aost da les 21:15 te piaz de Comun de Poza, per la rassegna ‘Ad alta voce’ l é na scontrèda con l alpinist e scritor Francesco Vidotto che prejenta sie nef liber »Onesto ed altre storie«.
16., 18. y 20.08.
Kidshour – devertimënt por mituns sö alalt
Pro le parch »Movimënt« sön Piz La Ila vëgnel metü a jí vigni domënia, mertesc y jöbia jüc, animaziun y devertimënt por mituns da 5 a 10 agn, dales 13:30 inant. Prenota­ziuns ti ofizi turistics dl’Alta Badia.
18.08.
Bëgnodüs tla Val Badia
En mertesc ai 18 d’agost dales 21:00 él Simon Kostner che tëgn a La Ila na sëra dal titul »Bëgnodüs tla Val Badia«. Al ti cunta al publich deplü sön la storia y la cultura dla valada, cun val’ coriosité particolara.
18.08.
Sëra cun i Stödafüch da La Val
I Stödafüch da La Val inviëia düc da gní a ti ciaré ales ma­scins y al magazin, en mertesc ai 18 d’agost dales 21:00, pro süa sënta a La Val.
18/20.08.
Ispirazions a Ciampedel e a Moena
Tel chèder di evenc de ‘Ispira­zions d’istà’ sabeda 18 de aost da les 21:00 te gejia de Ciam­pedel l é na scontrèda con Suor Azezet Habtezghi Kidane che conta sia esperienza sora­fora i confins; jebia 20 da les 17:30 te piaz Perle Alpine a Moena l é Barbara Frale che rejona de la ‘Regola secreta de Sèn Francesch«.
19.08.
Jacopo Veneziani a Cianacei
Tel chèder de la rassegna ‘Cianacei Campo Base’ mercol 19 de aost da les 21:00 te piaz Marconi (se l é catitemp te chino Marmolada), l é na scontrèda con l storich de l’èrt e divulgator Jacopo Veneziani che rejona del team anter èrt e monts.
27.08.
Giacomo Panozzo a Moena
En jebia ai 27 de aost, tel chèder de la rassegna ‘Moena Incontri’ te piaz Perle Alpine da les 17:30 l é la scontrèda con l joen Giacomo Panozzo che prejenta sie nef liber »Perché succederà ieri?«.
19.08.
La majera jufa dl mond
Ai 19 de agost dala 21:00 inant uniràl fat la majera jufa dl mond sun Pra da Nives te Sëlva.
19.08.
Divertimënt cun Kapla
La biblioteca de San Durich a Urtijëi nvieia a n domesdì de juech, n cunlaurazion cun la lia TRIX – Juesc da mëisa, n mierculdi ai 19 d’agost dala 15:00 inant. L unirà fat damat cun l KAPLA – tapli de lën, cun chëi che n possa fé su d’uni sort de ciampanii y co­stru­­zions.
20.08.
Defileda dla trohtes y cunzert dla Mujiga
N juebia sëira, ai 20 de agost dala 20:30 a Urtijëi da plaza S. Antone nchin sun plaza de Dlieja: defileda di guanc dala gherdëina acumpaniei dala Mujiga de Urtijëi, che tenirà nce si cunzert sun la plaza dan dlieja.
20.08.
La Val: devertimënt por mituns
En jöbia ai 20 d’agost dales 15:00 pó düc i mituns da 3 a 12 agn tó pert a n laboratore creatif, tl parch dai jüc Gnates a La Val. I mituns pó depënje sön les peres y pastelné adöm cun Elena. Iscriziuns ti ofizi turistics dl’Alta Badia.
21.08.
Domisdé a Pidrô
En vëndres ai 21 d’agost é les botëghes da Pidrô davertes cina ales 20:00. Bele dales 17:00 inant él les Patrones che dá fora spezialités arestides y la Jonëza da paur sorvësc val’ da bëre.
21.08.
Sparkling Summer Nights a Urtijëi
N vënderdi ai 21 de agost dala 21:00 inant puderàn se la lascé ji bona ntan la »Sparkling Wine Night« tl raion da jì a pe de Urtijëi: i locai dajerà ora da bever y l sarà de bela mujiga.
22.08.
Ueia de nëif a Urtijëi
La Scola de schi y snowboard de Urtijëi mët a jì na sëira de nëif y devertimënt d’instà, tl raion da jì a pe de Urtijëi dala 20:00 inant.