La Usc di Ladins

L é n istà dai record chest 2026. Ence l raion de Ciampedie moscia enscin ades numeres dalbon positives. Con passa 337 mile passajes, registré ai 5 de aost, l moscia n smaorament del 3,4% confront al medemo trat de temp del 2025, che l va su a n +14% confront al 2024 e adertura a n +24% respet al 2023. Numeres che desmostra che Ciampedie e duta la raides coleèdes tel Ciadenac l é semper na forta atrazion per i turisć. A chest enteres ge va do la scomenzadives de perferida endrezèdes da la sozietà.
I monc dèsc semper de gran emozions, soraldut ti momenc più chiec, magari canche spizolea soreie con l compagnament de bona musega. Na bela ocajion per viver l’èlba sun Ciampedie la sarà en jebia ai 27 de aost da les 6 da doman con l conzert de la fascèna Elena Favè che ciantarà compagnèda da Alessandro Biasi.
»L conzert a l’èlba sun Pra Martin l é una de la proponetes storiches de Ciampedie – à dit Elisa Maccagni, aministradora de la Ciadenac Bufaure Sozietà Benefit srl – che bina ogne an persones de ogne età e l sporc emozions uniches.«

De più su La Usc stampèda de en vender ai 14 de aost del 2026  (Monica Cigolla)