La Usc di Ladins

Bele da dalonc udòven la tendes blances, l fum che se auzova su tl aier y dovia l ciastel: n cheder da d’autri tëmps. Te n gran pra dlongia l ciastel Reifenstein a Sterzing se à a mez lugio de chëst ann inò ancuntà pasciunei da duta Europa - dala Polonia ala Franzia, dala Danimarca ala Talia - per viver n valgun dis coche tl Medieve. L ie jënt d’uni sort, che se dedichea te si tëmp liede a ressuscité tëmps passei: i se furnësc da ciavalieres, dunseles, fanc o bufons, i dorm te tëndes fates nstësc y cujina sun l fuech cëifs da zacan. Via per l di se dedichei a cumbatimënc, a lëures artejanei y da sëira stai n cumpanìa pra fuech a s’la cunté, a se devertì, suné y cianté. Danter duc chisc “atëures” che on udù a Sterzing ons nce ancuntà na familia de Urtijëi. Giulia Walpoth y Lukas Grossrubatscher cun si doi pitli mutons Alex y Elia.

Elisabeth Kostner

L articul tla edizion atuela de La Usc di Ladins.