La Usc di Ladins

Ai 18 de aost l é n dì n muie emportant per la storia del Empere d’Austria, chela del 1800 canche la monarchia asburgica la era al zenter di gregn poderes politics. En chel dì l é nasciù a Vìena Franz Josef de Asburgh de la gran familia che da passa cater secoi la era a ciaf del Sacro Roman Empere Todesch.
Da n pec de egn en ca per scomenzadiva di fenc del Grop de Folclor de Soraga vegn tout ca chest cedean per recordar la fegura de Franz Josef. Te l’ocajion vegn contà chel che amò zachei se recorda de coche nesc antenac ti egn 1960-70 i endrezaa apontin la recordanza de chel dì. Chest de aost l é n apuntament n muie domanà dai joegn per cognoscer noscia istoria. Coscita apontin ai 18 te tobià de Fronz se se à troà de n muie, l era na carantina de joegn motivé e enteressé. Ge é stat domanà a noscia storica Maria Piccolin da Moena e a Fernando Brunel de la Riza de contar, te n contest n muie scempie, de fac e de la vita de chi tempes.

De più su La Usc stampèda de en vender ai 28 de aost del 2026


 (Grop de Folclor de Soraga)