La Usc di Ladins

Rosa l é la più picola fia de Filomena Faber Cercenèda e Francesco Pitscheider, Franzele Rocia; la é nasciuda del 1941, l’à la bela età de 85 egn e descheche la disc: »Vèrde ben de me tegnir su«. Instadì son ruèda sa Pecol a la troèr per ge domanèr fora de na tèl roba sui studafech de Cianacei, ma chel che l é vegnù fora l é dut auter e segur l merita de vegnir scrit e recordà zaonder e spartì con nesc letores. L’à contà che si genitores Franzele e Filomena era ponté via del 1926 col fitèr cambres, atività che presciapech intorn l an 1934 é doventèda alberch Alla Rosa e donca se pel dir che chest an l à arjont un secol de età. Endèna la Seconda Gran Vera l é stat socastrà dai sudé; l é stat l prum alberch te duta Cianacei coi bagnes te cambra. L é stat fat fora del 1968, del 1994 e del 2000.

L'intervista entria te La Usc stampèda de en vender ai 2 de otober del 2026.  (Nicoletta Riz)