Ecozenter de Renac saré.
Valpe Ambiente lascia a savei che a gauja de laour straordinari de manutenzion a la strutura l ecozenter de Renac el restarà saré da juoba 23 de setember a lunesc 18 de otober. Se recorda che i utenc i podarà empò azede ai ecozentri plù damprò che l é chël de Rocia – Alie, dalviert mertesc e juoba da le 9:00 a le 12:00 e da l6:00 a le 19:00 e sabeda da da le 9:00 a le 12:00 e chël da Col dalviert la sabeda da le 9:00 a le 12.00 ( sabeda 2 de otober el sarà saré ).
Endavò giourì el teriol da Ciastel a Fauzare.
I dis passei l é sté endavò giourì el teriol numer 36. che da Ciastel porta fin sun Fauzare, saré da otobre del 2018 davò la tempesta Vaia. I sozi de la Lia da Mont Fodom – Col Maurizio Denicolò e Silvio Crepaz, davò envalgugn dis de gran laour, i a fenì de taié le plánte rebaltade da la tempesta Vaia che ava encoé el teriol, emportánt colegament che fesc pert de la dodicejima tapa del «Cammino delle Dolomiti«. Con chëst intervent la Lia da Mont l’a giourì ence l’ultimo teriol Cai sul teritorio da Fodom ulache no se podëva passé a gauja de le plánte rebaltade. Resta encora saré enveze el teriol n. 21 che da Andrac va sa Daghé a gauja del entardivament dei laour de enstalazion de le reti parasasc e paralevine soura Andrac su.
Vijite per le scole al Ciastel d’Andrac.
Sarada la stagión da d’isté el Ciastel d’Andrac el peia via co le vijite dedicade a le scole. Ntra le proposte: la vijita viśada al Ciastel, la vijita con laprò envalgune ativité didatiche o en combinazion con autre struture damprò, come el Mujeo Cazzetta a Sëlva de Ciadoure, le Miniere del Fursil o la Cesa de Jan a Col. Per deplù info clamé su el 3343346680, mail a info@castellodiandraz.it ulache se podarà damané ence la brosciura con dute le scomenciadive en program.
Deplù te la edizion stampeda dl 24 de setember.
ABONAMENT 2021 70,00 € por la Talia – INFO aministrazion@lausc.it
ABO E-PAPER https://lausc.it/abonament-e-paper-la-usc-di-ladins
