La Usc di Ladins

Da ulà nascela la negativité nten valgune localité da mont?
Nte le val da mont, souraldut de la Provinzia de Belum, l é chësta ten­denza a no se sentì assè per arjonje nuosc obietfs. Per Fodom, l ester vejins a la Provinzia Autonoma de Bolsán nfatiseia chëst aspet, tánt da ne fè cuaji desmentié chël che de bon on chilò. La vijion de Funivie Arabba no l’é mefo de fè business col turism, ma ence de cafié a mantegnì vif l teritor.

Come se polo pensé a n svilup turitich senza n svilup sozial?
Co fajonso a pensé a n davignì, l’é la vera dománda. Co è metù mán a laoré per chësta azienda, eve la sensazion che per na mascia de jent l turism nsomiáva velch de normal, che chilò on tres bù. Nveze, no l é tres sté coscita: per la pruma genera­zion che à fat turism nte noste val l é sté la volonté de svilupé chëst setor copache nneva debujen, per dé laour e spo n davignì a noste comunité. Nlouta, volon avei n turism che siebe funzional ai debujens de nosta comunité, e nia l contrar: da chilò onse da scomencé per pensé su a co sceguité a fè turism. (Milly Crepaz Redazion da Souramont)