La Usc di Ladins

L ne n’ie nia da crëier: la prima plates cun mujiga de Gherdëina fova bele unides tëutes su dan passa 50 ani.
L fova l 1964, canche la Jimmy ova tëut su si prim sëidesc pec de mujiga da paur sun cater pitla plates da 45 raides al menut.

Iodleri de Ady da Merch cun l »Langkofelquintett« sun la prima Lp de Gherdëina
For l medem ann fòvel unit ora n’autra produzion. L bon iodler Ady Runggaldier da Merch ova tëut su tl oratorio de Sëlva, deberieda cun la iodlera Paula Gabloner de Ciastel y l »Langkofelquintett«, si prima Lp cun na lingia de bën sëidesc pec.

Spiegazion de n etnologh n con’ dl iodler
Drët longia y nteressanta ie la spiegazion de n etnologh dl fenomenn antropologich – l iodler – che ie da liejer sun l cuiertl dla plata viadò. Aldò de chëla dëssel vester testemunianzes scrites dl iodler no mé dl Tirol, ma nce dla Talia, dla Romania y Polonia, dl Caucaso, dl Texas, dla Andes, dl Vietnam, dla Ijules Salomon, dl Gabon y dl Congo, na pert vedles 500 ani.

L fova i tëmps che la Jimmy sunova de prufescion y à tëut su si segonda plata
La Jimmy ova n program drët rich – danterite se ovi monce resià a suné l Dixieland – fovi unii cherdei a suné d’inviern, enes alalongia uni sëira, ja Dëur a Urtijëi, coche Engl de Mariangiul scrij tl Calënder de Gherdëina dl 1973.

L articul ntier tla edizion stampeda di 26 de juni.

Pauli Senoner Gredine

FOTO: Na fotografia dla Jimmy.