La Usc di Ladins

Tambra, ciamp, capela, stala – i tituli dla opres dl scultëur Martin Kargruber ie tleres y spiega te na maniera scëmpla chël che i:la vijitadëures possa udëi te n prim mumënt. Si scultures reprejentea cosses che l artist vëija canche l va a spaz, cëses o frabicac de si cuntreda. Ma l ie velch de plu sot tl'opres dl artist, che n possa abiné ora ti cialan plu avisa a coche les ie fates.

Cun la mostra tl Tublà da Nives, che ie unida naugureda n vënderdi ai 15 de setëmber, ruva l artista Martin Kargruber, nasciù tl 1965 a Gsies, inò zeruch tla valeda ulache dut à scumencià. "L artist ova da jëunn fat la scola prufesciunela te Gherdëina, mparan tlo l'ert tradiziunela dl ziplé. Per ël iel n gran unëur pudëi mëter ora te nosta valeda. Pra la giaurida se àl urtà cun truepa jënt, nce artisć, che l cunesciova da plu da giut. L fova n bel mumënt per duc i cumpanies che se à do giut inò ancuntà," à dit Greta Langgartner, diretëura artistica dl Tublà da Nives.


L articul ie da liejer tla edizion che vën de La Usc di Ladins

Elisabeth Kostner