La Usc di Ladins

L ie l prim ann che l marcià vën metù a jì dal cunsëi nuef, scialdi jëunn, ma mpo àn ulù jì inant cun la tradizion de chësc marcià bio, cun l fé craut, cun l vënder prudoc bio. »Sambën ulans jì inant cun chësc marcià che à for butà y che tira adalerch truepa jënt da tlo, ma nce seniëures. Chël che nëus dl cunsëi nuef on ulù mudé y che fajeron ti ani che vën for plu y plu, sarà chël de cialé for deplù che i prudoc ne sibe nia mé bio ma dantaldut che i sibe nce a chilometer nul«, nsci la cunseliera Vera Perathoner. »Chësc uel dì che cialeron tl daunì de abiné ca for plu paures da tlo, dla valeda, acioche la verdura y versura bio ne ebe nia messù fé n majer viac, chësc nes sta a cuer y chësc ulerons tré tres.«

L articul tla edizion nueva de La Usc de vënderdi ai 13 de utober.

SPM