La Usc di Ladins

Canche la se trata de jì sun na lista per la veles pona muessen dé ju chësta detlarazion. Canche l ambolt se chier ora la persones che l uel se tò ite te Jonta, muessel nce ti cialé a chësta detlarazions. Iló pòssel suzeder coche a Urtijëi: l ie mé unì lità una na cunseliera de rujeneda taliana y perchël ne n’àla nia l dërt de senté te Jonta.

On ulù audì Lisa Brembati Goller che ie cun 228 stimes ruveda te Cunsëi de Chemun de Urtijëi. Ti social – y nscila nce te na zaita – àla fat al savëi che la ne possa nia jì te Jonta, ajache la ie la sëula de rujeneda taliana de 18 cunselieres litei. La regula ie tlera: sce l ruva mé ite una na persona de na cërta grupa linguistica, ne n’àla nia l mesun de jì te Jonta; sce l vën lità doves de na cërta grupa, pona muessa almanco una te Jonta. Da Brembati ora fossa chësta lege da mudé.

SPM

L articul tla edizion atuela de La Usc di Ladins.