La Usc di Ladins

Sce n va da mont su te Gherdëina ancónten dal scumenciamënt de juni incà i »Dolomites Rangers«, persones furnides a vërt, che dà nfurmazions ai seniëures. Ëi o ëila dà cunsëies n cont dla segurëza, n cont dl furnimënt y sà nce da re­spuender a dumandes per cie che reverda i troies, l tëmp y nscila inant. I dëssa nce cuntrulé che l ne vënie nia batù su tenda o fat »campen«, davia che chël ie da nëus pruibì.

De ndut saràl via per la sajon da d’instà cater »rangers« te Gherdëina. L se trata de Reinhard Schmalzl de Sëlva, Ujep Runggaldier de Urtijëi, Chiara Bau y Patrick Baido, de Milan y dl Trentin che lëura bele da truep ani incà te Gherdëina. L pruiet vën sustenì dala Lies per l Turism de Gherdëina, dala furnadoia de Secëda, dai Chemuns y dala lia di mplanc portamont dla valeda.

»Nia mé i turisć, ma nce la jënt da tlo, vëija i rangers de bon uedl«, nes à dit Christina Demetz n cont dla prima enes de servisc. Perdrët ne n’iel nia velch defin de nuef te Gherdëina ...

Elisabeth Kostner

L articul ntier tla edizion atuela de La Usc di Ladins.