La Usc di Ladins

Canche persones va perdudes y ie n pericul conta uni secunt. Te de tei mumënc iesi de gran mpurtanza: i cians da sucors. I ie furmei plu ani alalongia cun la ntenzion de salvé, deberieda cun si acumpaniadëures, persones n pericul, de di, de nuet y da uni cundizion meteorologica.

L lëur dl’unità de sucors di cians de Gherdëina (RHS Gröden/UCS Val Gardena) ie ulenter y de gran valor per la sozietà. La lia de Gher­ dëina ie unida metuda su l ann 2010 y cun d’autra sies uniteies de sucors de cians, sparpaniedes ora per dut l Sudtirol, féjela pert dla lia tët »Landesverband Rettungs­ hundestaffel Südtirol«, che ie unida metuda su l ann 2015.

Atualmënter cumpëida l’unità de sucors di cians de Gherdëina catordesc cians cun si acumpania­ dëures y la tol ite i raions de Gher­ dëina, Scilier, Bulsan y ujinanzes y pertes dla Val Badia. N gran raion te chël che l lëura nce mo d’autra grupes cun cians da sucors, per pudëi curì a puntin chësta zones.

Ma cie fej pa perdrët i cians dl’unità de sucors de Gherdëina? Co vëni pa nseniei ju per si lëur y ciuna ndesfides ancónten pa tl pruzes de furmazion? Respostes a chësta y mo d’autra dumandes nes à Sonja Senoner de Sëlva dat. Ëila ie cun si doi cians Keynan y Kyana bele da plu ani incà tla lia y lëura nce pea coche istrutëura di cians da sucors. Te na ntervista nes àla cuntà deplù n con’ di cians y dl’atività dla lia.

Sara Senoner

La ntervista ie da liejer tla edizion atuela de La Usc di Ladins.