La Usc di Ladins

Cun l scumenciamënt de juni y l tëmp finalmënter mpue plu stabil à majera pert dla uties da mont giaurì si portes. I osć dla uties te Gherdëina rejona de n bon scumen­ciamënt de sajon cun de plu prenu­tazions che l ann dant. La sajon da d’instà 2025 à nscila scumencià scialdi bën y n ie positifs nce per cie che reverda l rest dla sajon.

Chëst ann à la utia Dantersasc giaurì ai ot de juni, ju per la sciorta ne fòvel plu deguna nëif y perchël ne ova la jënt nia tëma a ruvé permez ala utia. »Chëst ann de juni àla scialdi butà, l fova scialdi plu jënt che ti ultims ani. Lugio ie nchin śën restà valif coche l ann passà, nce sce on abù tan frëit tl’ultima ena. La jënt vën mpo y ne se lascia nia plu tan nfluenzé dal tëmp. Da dì iel nce che śën se damandons n acont per sté da nëus sëura nuet, pona vëni nce sce l ie bur’ tëmp, dant ne univi danz nia sce l pluova mpue. L ie mo vel’ luegia ma l ie dut bele scialdi prenutà nchin a mez agost, daldò iel na caleda tla prenutazions, ma l ie mo mpue abenëura a l dì«, nes à cuntà Alexander Piazza dla utia Dantersasc.

La utia de Resciesa à nchinamei bele giaurì ai 17 de mei chëst ann y David Piazza cunstatea che »l ie trueps che dorm tlo, te ustaria iel povester n mumënt de manco da fé chëst ann, l nes mancia mpue i talians y nce i tudësc ..."

Nathalie Stuffer

L articul va inant tla edizion atuela de La Usc di Ladins.