La Usc di Ladins

Ciarcë la bona miel dl’eves, tenì tla mans n tel pitl ucel o raité n ciaval: a chi ne ti sà pa chël nia bel! Coche Vke Gherdëina ons perchël metù a jì chëst ann de lugio n valguna ancuntedes, ulache i mëndri y la mëndres, dai trëi ai sies ani, pudova mparé a cunëscer i tieres. Tl prim se àns mpensà de fé mé una na grupa, ma davia che la dumanda da pert di genitores fova tan granda, ons metù adum doi grupes da chindesc mutons y mutans, che à deberieda cun si genitores pudù fé pea pra chësta ancuntedes.

L prim iede se ons ancuntà dan n trëi enes ora Juaut, da Fabian Demetzda Pilat, ulache on pudù ti cialé al’eves. Fabian nes à cuntà truep de chisc pitli tieres lezitënc, on udù la regina dal pont sun l spinel, on cialà pro coche l fej n drë’ fum, ti on cialà ala massaria che n adrova zënza mo a lauré cun l’eves y sambën ons nce pudù ciarcë mpue de miel. 

Per l VKE Gherdëina, Elisabeth Kostner

L articul tla edizion atuela de La Usc di Ladins.