La Usc di Ladins

Sambën se tràtel mé de n juech ulache la ne va de nët nia, n juech ntan l’enes te chëles che l Spezia Cal cio se njënia ca per la sajon dla seria B 2025/26. Purempò ne n’uel deguni fé na burta figura, y perchël se proa ala fin dla finedes mpo mo duc. Dan na blòta cumpëida de nteressei y na majera cumpëida de mëndri se à l FCG, che ie ënghe iusta tl lëur de se njenië ca per si prima sajon tla Ezelënza, batù drët bën, perdan ala fin mé de cin’ goi a nul.

Scumencià a dut sciche l toca pra n juech ufiziel, cun la doi scuadres che ie sautedes ite. Uni jugadëur ova sambën pea n pitl mut che ti teniva la man: n’esperienza unica per chisc mëndri. Do che n à fat la fotos de lecort, de teles da taché su sëura liet, àn scumencià l juech. Ta Mulin da Coi fova sambën nce i polizai de Chemun de S.Cristina, che à cialà che i auti abine si lerch, i Carabiniers y la Crëusc Blancia. La jënt sun la tribunes à pudù udëi n juech daviert y bel, te chël che deguni se à scundù. Sambën fova l Spezia Calcio miëur, ma chëi de Gherdëina à tenì permez y à nce abù n valguna pusciblteies de fé n gol. I à mustrà che i sà da fé al palé.

SPM

Dut l articul pudëis liejer tla edizion nueva de La Usc che vën ora n vënderdi ai 1 de agost.