La Usc di Ladins

»Mi doi ani te na scola dla Bibia tl’Ame­rica« fova l titul de na prejen­tazion, che Jan Schenk, n jëunn de 20 ani, à dan doi enes a Santa Cristina. On udù l nvit y nscila se ons mpensà che l fossa nteressant a s’la ciaculé n iede cun chësc jëunn, per chël che l crëidum à tan na gran mpurtanza tla vita. Ntan che d’autri jëuni va a se bever zeche cun i cum­panies, te palestra a auzé pëisc, cun l motocross o povester a crëp, à Jan la ulentà de ulëi crì y cunëscer Die. L ie velch de particuler al didancuei, chësc si crëidum, te na sozietà ulache n à la mprescion che i jëuni ne n’ebe nia plu n gran nteres per la religion. Ma l semea che l ne sibe nia nscila per duc y che nce te nosta valeda iel mo vel’ jëunn y jëuna scialdi devot.

On ancuntà Jan da ël a cësa a Santa Cristina. L nes à giaurì la porta s’la rijan y nvià te stua, ulache ti on fat n valguna dumandes n cont de si esperienza y de si fede.

Elisabeth Kostner

L ntervista tla edizion atuela de La Usc di Ladins.