La Usc di Ladins

Cun la roda iesen asvelc, n fej mpue de muvimënt y n ne muessa nia crì giut na plaza da lascé l auto. Nce a Urtijëi iel trueps che va cun la roda, gran pert cun la e-bike per se fé plu saurì canche l ie da furné su per vel’ erton. Ma datrai iel nce mpue da ti sté do ala roda, da la njenië ca per pudëi furné segures a scola o a lauré.

Inier domesdì à duc pudù jì a se lascé cialé do la roda debant sun plaza de dlieja a Urtijëi. L ie unit adalerch mpo mpue de jënt, granc y pitli. L fova da cuncé la prems o vel’ poc, ma nce onjer la ciadëina o d’autra pitla cumedures. 

I lauranc dla berstot dla coopera­tiva Novum2 concia la rodes sun ncëria dla Provinzia. Chësc servisc vën pità uni ann te chindesc Che­muns dl Sud­tirol, i prims che s’l damanda possa fé pea pra chësta scumenciadiva. Chëst ann à l Chemun de Urtijëi ulù fé pea y l se à cruzià che l vënie a s’l dé tlo da nëus. N uel ti dé na sburdla a na mubltà plu susteni­bla, acioche duc vede cun la roda y ne la lasce nia te n piz, sce la à vel’ tega.

Elisabeth Kostner

L articul ntier tla edizion nueva de La Usc di Ladins de n vënderdi ai 5 de setëmber.