La Usc di Ladins

Dan avisa carant’ani, ai 8 de setëmber dl 1985, ie la dlieja de Sant Ujep de Runcadic unida cunsacreda da Mons. Heinrich Forer. Ntlëuta fòvel unit adalerch bën trëdesc prevesc per chësta ucajion. Trëi ani dant, de juni dl 1982, òven scumencià cun i lëures per la fé su, davia che la pitla capela da Passua fova unida massa pitla. La dlieja ie unida frabicheda cun l sustëni dl pluan da ntlëuta seniëur Johann Tscholl, de n cumité metù su aposta dal Cunsëi de Pluania, de ulenteres y benefatëures.

Ntlëuta, coche al didan­cuei, à la dlieja na funzion mpurtanta per chësc pitl luech, che ie ti ultims ani chersciù dassënn. Nscila àn n dumënia ulù festejé l aniverser di 40 ani sciche l toca: cun na bela Santa Mëssa y na festa sun plaza dan la scolina de Runcadic.

Elisabeth Kostner

L articul ntier tla edizion nueva de La Usc di Ladins de n vënderdi ai 12 de setëmber.