La Usc di Ladins

Ntan la senteda dl Cunsëi de Chemun de Sëlva ai 15 de setëmber (La Usc ova bele repurtà L'ena passeda de n valgun d’autri ponc dl orden dl di, ndr.) iel unì purtà ite na mozion da pert dla Lista Zivica che reverda l pruzedimënt leghel sun la cuestion dl mplant portamont nuef “Costabella”. Cuestion dessegur zitia, che vëija dant la modernisazion y l spustamënt dla trassa dl mplant “Costabella”, che dëssa giamië ora l mplant da śën cun n mplant da cabines da 10 persones. L’oposizion ne n'ie nia a una cun la dezijion dl’aministrazion da śën de ne ulëi nia plu se costituì dan sunieria de segondo grado per defënder l pruiet, do che l’aministrazion da dant fova ntervenida per defënder la realisazion dl pruiet.
“L mplant portamont nuef Costabella ne n'ie nia mé n pruiet de modernisazion dla nfrastrutura da jì cun i schi, ma n nvestimënt per l daunì de Gherdëina. Perchël udons essenziel che l Chemun se costituësce dan sunieria y defënde cun cunvinzion si delibrazions”, à detlarà i cunselieres dla Lista Zivica de Sëlva.

Nathalie Stuffer

Dut l articul pudëis liejer tla edizion nueva de La Usc di Ladins che vën ora chësc vënderdi ai 26 de setëmber.