La Usc di Ladins

L se trata sambën de na manifestazion sportiva: doi enes de Mundiei de schi dëssa danz nia mé lascé n bel lecort de sport ma nce velch per i zitadins y nscila per la generazion che vën do. 
Sce l cunsëi dl Saslong Classic Club meterà a jì la garejedes pona sarà i cater Chemuns de Gher­dëina cun Ciastel y la Provinzia che mes­serà se cruzië che i scioldi che n giaperà per chësta manife­stazion vënie nce spendui bën tla nfrastru­tures y per abiné soluzions a proble­matiches atueles, coche p.ej. l muvi­mënt di auti. 

L presidënt dl Saslong Classic Club, Rainer Seno­ner, à purtà dant l prugram de coche n ulerà jì inant. Per uni ann iel udù dant cër’ lëures y n ne finerà nia via cun l 2031, ma n jirà mo inant do i Mundiei. Do l gran event iel udù dant de fé la veles y de sëurandé pona la lia te mans jëunes cun l travert de abiné n spirt nuef y na ueia de lauré, acioche n jirà bele tl 2032 inant cun la garejedes de Copa dl Mond tradiziuneles sun la Saslonch.

SPM

Dut l articul pudëis liejer tla edizion nueva de La Usc di Ladins che vën ora chësc vënderdi ai 03 de utober.