La Usc di Ladins

»Uni tofla de streda, uni placat de retlam y uni firma privata o publica possa o muessa tl Sudtirol comuniché te doi rujenedes y tla Ladinia monce te trëi. Nvestì tla cumpetënza trans­culturela ne n’ie nia mé n bujën, ma l se paia nce«. Chëstes ie la frases cun chëles che l ZeLT – l Zënter europeich per leteratura y traduzion y la SAAV – la Lia di autores dl Sudtirol à pre­jentà si ufierta de furmazion nueva: n curs per renfurzé, sustenì y svilupé l lingaz ladin tres traduzions letereres.

Tl curs, menà dala doi espertes tl ciamp dla traduzion y mediazion linguistica Rut Bernardi y Ingrid Runggaldier, vëniel ciancià dala y tla rujeneda ladina. Nce sce la doi referëntes ie de Gherdëina, vëniel tenì cont de tesć letereres te duc i idioms ladins. L curs vën pità depier­pul al curs de furmazion de traduzion dal talian al tudësch y n cunlaurazion cun la Academia Cusanus de Persenon.

Elisabeth Kostner

L articul tla edizion atuela de La Usc di Ladins.