La Usc di Ladins

Matiné y mostres
Le Museum Ladin y Smach inviëia a na »matiné d’ert«
Le Museum Ladin y Smach inviëia a na »ma­tiné d’ert« en sabeda ai 27.9.2025, dales 10:00 inant, cun acompa­gna­mënt tla Val d’Ert (10,00€ – desdit en caje de plöia) y dales 12:30 inant tres la mostra »ert tla tor 2025« de Elisa Rungger dal titul »Danterite« (10,00€).
Dedô aperitif cun musiga de DJ Crouch tl bar dl MusLa Ciastel de Tor.
Prenotaziuns tres e-mail a prenotaziun@museumladin.it o 0474 524 020.

I imparun da fá amigurumi
Ai 17 y 24 d’otober él n curs a La Ila
Le Consëi de formaziun Badia invi­ëia a n curs olache an impara da fá ami­gurumi, ai 17 y 24 de otober dales 17:00 ales 18:30, tla Ciasa dla Cul­tura a La Ila – pröma alzada. Tra­tan les döes incuntades vëgnel insigné da hechelné de pici tiers de fí. Referënta é Lucia Cirella. 
Les par­tezipantes y i partezipanc dess bele avëi na basa da lauré cun l’aodla da bëch (»häkeln«). 
Preno­taziuns anter i 30 de setëmber pro Margit, al numer 340 3438709.

»Tigní bot! Strategies por vire miú tla copia: i imparun co!«
Serada cun Giuliana Franchini y Pino Maiolo, psicologs y psicoterapeuc, ai 3 te otober y workshop ai 4 de otober, tl Salf di stödafüch a San Martin de Tor
La vita tla copia é öna dles perts plü importantes de nosta vita, mo co ciara pa fora na bona vita de copia? Y co se müda pa les rela­ziuns söla basa de esperiënzes personales, di cambiamënc dla sozieté, dla digitalisaziuns? Esi­stel tecniches y strategies por mioré la vita de n per? Ci savun pa alde­daincö dl amur? Y chësc se müda? Savunse da da ascuté sö y comuniché? 
Chëstes sará les domandes che dess ciaré lerch tratan chësta sëra adöm ai dui esperc, che é n per ince tla vita.
Y por aprofondí ciamó deplü la tematica, sarál la sabeda dan­misdé, ai 4 de otober n workshop cun chisc tems: – se conesciunse? I descuriun magari valch che i ne savun nia – comuniché ince zënza parores, mo se ascutunse sö? – co se dessenunse pa? Po­dunse imparé da strité damí zënza se desdrüje sciöche per? – y por somié inant, magari soms deboriada! I se tolun tëmp, ma por nos dui! La serada cun i psi­cologs y psicoterapeuc Giulia­na Franchini y Pino Maio­lo dal titul »Resistere, resistere, resistere! Strategie per vivere al meglio dentro la coppia: impa­riamo come!« ai 3 de otober mët man dales 19:30 por düc, y le workshop la sabeda sará dales 8:30 ales 13:00 sön prenotaziun al 0474 52 45 52. Organisaziun: Comité de Raiun Val Badia. Düc é de cör bel inviá.

Marcé de San Francësch a Badia
En sabeda ai 4 d’otober 2025

• 
•  

View the embedded image gallery online at:
https://www.lausc.it/manifestazions-y-evenc/30402-manifestazions-atuales-speziales#sigProId9fc3e8e6e6

él le gran marcé cun aurela cörta
Le marcé a Badia á tradiziun – sides chël di pröms de ma por l’aisciöda co chël de San Fran­cësch por l’altonn.
Ince en chësc ann indô, ai 4 d’otober, fistidiará l’Uniun di Stüda­füch de Badia da dé fora da bëre y da mangé, por pici y gragn, tl areal dan le magazin tla Ciasa Runcher.

Baujies, nia ater che baujies
La Uniun Teater Calfosch porta dant por le secundo iade n teater. Al 3 d’otober 2025 él la premiera
Por imprescioné süa mëda rica dal America, ti á Karin mintí dant d’avëi na vita perfeta. Ma che canche ara röia adalerch, él Karin che mëss sambëgn ti fá crëie dötes les baujies che ëra ti á cunté dant. Adöm a so om Leo, la jocera y trëi compagns provi da tigní en pe les stories che Karin ti á cunté sö. Mo les baujies á les iames cörtes, y insciö – por vigni baujia cuntada, mësson salvé la situaziun cun öna lapró. N toch de teater da rí, intravaié y fora de control.
I apuntamënc é ai 3/10 (20:00), 5/10 (17:00), 8/10 (20:00), 10/10 (20:00) y 12/10 (17:00) tl Salf dles manifestaziuns Franz A. Rottonara a Corvara. I jobleri é Elena Pescollderungg (Karin – patrona de ciasa), Daniel Pescollde­rungg (Leo – patrun de ciasa), Armin Pizzinini (Ivan – compagn de Leo), Marie Valentini (Efi – chestiana de Ivan), Giulia Longhi (Ines – Lera), Luca Lucchini (Max – compagn de familia), Mary Agreiter (Erna – uma de Leo), Paula Schanung (Mëda Rita – mëda de Karin), Ingrid Castlunger (Ghest). La rejia é de Ellen Alfreider cun l’aiüt de Annemarie Schenk, la soffleuse é Alexa Alfreider y la tecnica de Marco Valentin y Christian Valentini. An pó se prenoté preferibilmënter tres whatsApp al 345 4669281 (a usc ma dales 20:00 ales 22:00).

Tol pert al Cucarel, tu as ciamò temp!
L pest che finanzieia projec cinematografics per

• 
•  

View the embedded image gallery online at:
https://www.lausc.it/manifestazions-y-evenc/30402-manifestazions-atuales-speziales#sigProId9fc3e8e6e6

ladin sburla sie termin enchin ai 31 de otober
L Cucarel é l prum pest per projec cinemato­grafics per ladin y al finanzieia con 5.000 euro y 4.000 euro doi films curc.
Per tò pert él da scrive ju n soget, na scene­giadura o n copion dl film, na descrizion dles speises prevedudes y na relazion generela sun l projet. La giuria dl Cucarel chirirà fora doi projec da finanzié. I davagnadours vegnirà anunziés de november 2025 y ei arà temp enchin de otober 2026 per tò ju y envié ite l projet finì che ti vegnirà mostré su al publich tratant la seira de prejentazion dl Pest L Cucarel 2026.
Per ti dé la poscibelté a deplu jent de tò pert é sté l termin per envié ite les candidatures sburlé inant de n meis. Al é temp donca enchin ai 31 de otober 2025. Aste na idea che tu volesses realisé? Tol pert al Cucarel! Y se enveze conesceste valgugn apascioné de chino, rejona de L Cucarel. Dà tie contribut a spar­pagné l mond dl chino per ladin!
Va su www.inoutfassa.com/cucarel y liej l avis de concurs entier, olache abineste fora dutes les informazions. Per plu infos scriv a cucarel@inoutfassa.com

Dui cursc d’altonn
Pia Pedevilla tin dui cursc d’otober por mitans y mituns
De pici tiers da cadrí ligherzins (3 ores):
le curs vëgn tigní en vëndres ai 3 d’otober dales 15:00 ales 18:00 o en sabeda ai 4 d’otober dales 14:00 ales 17:00. Les figöres de tiers de cadrí de lëgn pó gní adorá desco contignüs por materiai de vigni sort. Cost: 45€, plü 15€ por le material.
Altonn & halloween (4 ores):
en domënia ai 5 d’otober, dales 14:00 ales 18:00. Al vëgn fat de pici tiers de lëgn, depënc y decorá. Lapró ince contignüs por ciandëres dal tê che divertësc y fej pora. Prisc: 60€, plü 25€ por le material.
I cursc vëgn metüs a jí en colaboraziun cun l’EPL-Ert por i Ladins y vëgn tignis tl atelier de Pia Pedevilla (Gross Gerau Promenade 6c) a Bornech. Al vëgn tut sö 6 partezipanc:tes a curs (i acompa­gnadus ne paia nia).
Infos y iscriziuns pro Pia Pedevilla al 348 2221745 o info@piapedevilla.com

Segra a San Martin de Tor
L’Uniun dla Musiga da San Martin de Tor inviëia dër bel düc canc ala segra ai 28 de setëmber sön plaza dl paiun
Le program vëiga danfora la santa mëssa te dlijia dales 10:00, do mëssa vëgnel venü crafuns da segra. Dales 11:00 él preodü l’incuntada di orghi da man, dales 15:00 le conzert cun la Musiga da Koblach (Vorarlberg), dales 17:00 le conzert dla Musiga da San Scimun y dales 19:00 inant spo intrategnimënt cun orghi da man. Por le mangé y bëre fistidiëia la Musiga da San Martin. Al vëgn ince organisé en valgügn jüc por mituns! 
La Musiga da San Martin de Tor se conforta ala festa!