La Segra é la festa dla consacraziun dla dlijia, che toma a Al Plan la pröma domënia do la Picia Santa Maria. En chësc iade êl ai 14 de setëmber, olache an á albü deplü rajuns da se ralegré. Nia ma por la ciasa de Dî, fata sö da nüsc antenac cun gran bries, sforc y sensibilité, mo ince por döes operes nöies che la abelësc da chë domënia incá. Al é gnü arjigné n ambo nü olache al vëgn incundé la parora de Dî, tratan che na statua dl Sant Ujöp Freinademetz desmostra la veneraziun y la crëta te nosc Sant Ladin. La statua é gnüda scincada da n fedel. Ala pert él gnü fat laurs de abelimënt pro le presbitere.
Deplü podëise lí t’La Usc di Ladins di 3 de otober (pablo)
Ambo y statua nüs por la dlijia d’Al Plan
En Segra d’Al Plan él gnü benedí döes operes nöies: n ambo dl artist Hans Rindler por incundé la parora de Dî y na statua de nosc Sant da Oies, scincada da n fedel
Galaria retrac
View the embedded image gallery online at:
https://www.lausc.it/valedes-ladines/val-badia/30434-ambo-y-statua-nues-por-la-dlijia-d-al-plan#sigProId253c9b59b0
https://www.lausc.it/valedes-ladines/val-badia/30434-ambo-y-statua-nues-por-la-dlijia-d-al-plan#sigProId253c9b59b0
