En domënia ai 14 de setëmber s’ál desfiré a Corvara tl hotel »La Perla« la terza ediziun dl evënt solidal metü a jí dala fondaziun »Costa Family & Friends« (CFF).
Iniann á la fondaziun podü festejé le resultat dl proiet »Vegabula Summer Edition«, che é gnü metü a jí por le pröm iade chësc isté tl restorant didatich »Vegabula« a Bornech.
Sciöche pröm proiet de integraziun soziala y profescionala dla fondaziun »Costa Family & Friends« tl Südtirol, á chësc proiet dé la poscibilité a jogn cun debojëgn particolars da fá n’esperiënza tl ciamp dla gastronomia.
Cun na marëna solidala él gnü coiü adöm danü spënores por dé continuaziun al proiet tl dagní. Lapró él gnü alzé fora le suzes dl proiet cun na surandada de diploms ai partezipanc en presënza di mëmbri dla fondaziun.
Deplü da lí ciafëise tla ediziun nöia da incö, vëndres le 3 d'otober!
»Vegabula« por l’inclujiun soziala
La fondaziun »Costa Family & Friends« á iniann podü festejé le suzes dla pröma ediziun de »Vegabula Summer Edition«, n proiet che sostëgn l’inclujiun soziala y profescionala. En gaujiun dla marëna solidala él gnü surandé deplü diploms
Galaria retrac
View the embedded image gallery online at:
https://www.lausc.it/valedes-ladines/val-badia/30465-vegabula-por-l-inclujiun-soziala#sigProIdff467583f6
https://www.lausc.it/valedes-ladines/val-badia/30465-vegabula-por-l-inclujiun-soziala#sigProIdff467583f6
