La Usc di Ladins

N marcià di pulesc tl zënter a Urtijëi? Ciuldì pa no, se à mpensà l Cunsëi dla lia Mostra d’Ert y nscila iel unit a s’l dé la ultima fin dl’ena tla sala dla mostres tl Circolo a Urtijëi. 

N sada y n dumënia fòvel de ndut ot stonc, un de chisc dl Circolo nstës, ulache jënt da tlo ova metù ora si pitli tejores: cosses plëines de lecorc, ma che i ne n’adrova nia plu y che i ulëssa gën ti dé inant a zachei d’autri.

L fova da vënder oles, copes, guanc, ciauzei, libri, cd’s, tasces, antlaries, njins da cësa, decurazions y mo truep d’auter. Chi che à fat pea à paià na piculëza y stajova pona un o doi dis pra si stont a vënder si pec. »L ie l prim iede che on metù a jì vel’ da de tel, ma l ie drët garatà. L fova na bela amosfera, l tëmp ie passà scialdi aslune y chi che à vendù fova drët cuntënc de coche la ie jita«, à cuntà Rita Lovas, cunlauradëura dla lia Mostra d’Ert. 

EK

L articul va inant tla edizion nueva de La Usc di Ladins de duman vënderdi ai 3 de utober.