La Usc di Ladins

De dla jënt atempada
Ai 5 d’otober te Ciasa de palsa da San Martin, cun mëssa dla comunité, matinée, musiga y aurela cörta
En domënia ai 5 d’otober vëgnel festejé te Ciasa de palsa a San Martin de Tor le de dla jënt atempada. Dales 9:30 él la santa mëssa dla comunité, ciantada dal cor di jogn »Kyrios«. Dedô vá la festa inant cun matinée cun lia­gnes blances y prezes, y musiga de Emanuel. Travert dl de dla jënt atempada é chël da ti mostré ala jënt de tëmp nosta reconescënza y respet y ince da mëte al zënter les porsones che ciara dla jënt atempada. Al dess ester n momënt de incuntada, de festa y aurela cörta. Düc é bel inviá a tó pert.

Savëi

• 
•  

View the embedded image gallery online at:
https://www.lausc.it/manifestazions-y-evenc/30441-manifestazions-atuales-speziales#sigProId67e255bd1d

y sëures
L Istitut Ladin Micurá de Rü nvieia de cuer ala prejentazion di films curc »Savëi y sëures« ai 16 de utober dala 18:00 sun l Luech da Paratoni a S.Cristina
La nrescida video de Paolo Vinati, purteda inant dal Isti­tut Ladin Micurà de Rü, ie unida a se l dé tla valedes la­dines Val Badia, Gherdëina, Ampëz, Fedom y Fascia, cun l fin de documenté y valorisé la cultura dl maië tradiziunel y l savëi de co l njenië ca. 
I 15 videos, uniun de feter 9 menuc, mët adum testemu­nianzes de paurs, cueghes y artejans dla culinaria. Davia che la lerch ie limiteda, iel mpurtant se nuté su tl Istitut al numer 0474/523110 o scrijan a erna@micura.it

Musiga »reziclada«
Max Castlunger mët fora te so paisc da San Martin de Tor
Le Museum Ladin inviëia ala vernissaja dla mostra »Up­cycling Music – na mo­stra sostenibla y interativa, de y cun Max Castlunger«, en vëndres, ai 3.10.2025, dales 18:00, tl Museum La­din Ciastel de Tor. Do avëi fate mostres y proiec cun sü stromënc reziclá dalunc y daimpró, pó Max mostré süa creativité artistica y musi­cala n iade »te ciasa«.
En ocajiun dla daurida incö vëndres, podarán ascuté sö n conzert dla Upcycling Band cun Max Castlunger, Manni Gampenrieder, Georg Mal­fertheiner y Mirko Pedrotti.

Baujies,

• 
•  

View the embedded image gallery online at:
https://www.lausc.it/manifestazions-y-evenc/30441-manifestazions-atuales-speziales#sigProId67e255bd1d

nia ater che baujies
La Uniun Teater Calfosch porta dant por le secundo iade n teater. Ai 3 d’otober 2025 él la premiera
Chësc iade á le toch inom »Baujies, nia ater che baujies«. Por imprescioné süa mëda rica dal’America, ti á Karin mintí dant d’avëi na vita perfeta. Ma che canche ara röia adalerch, él Karin che mëss sambëgn ti fá crëie dötes les baujies che ara ti á cunté dant. Adöm a so om Leo, la jocera y trëi compagns proai da tigní en pe les stories che Karin ti á cunté sö. Mo les baujies á les iames cörtes, y insciö – por vigni baujia cuntada, mësson salvé la situaziun cun öna lapró. N toch de teater da rí, intravaié y fora de control. I apuntamënc é ai 3.10. (20:00), 5.10. (17:00), 8.10. (20:00), 10.10. (20:00) y 12.10. (17:00) tl salf dles manifestaziuns Franz A. Rottonara a Corvara. I jobleri é Elena Pescollderungg (Karin – patrona de ciasa), Daniel Pescollde­rungg (Leo – patrun de ciasa), Armin Pizzinini (Ivan – compagn de Leo), Marie Valentini (Efi – chestiana de Ivan), Giulia Longhi (Ines – Lera), Luca Lucchini (Max – compagn de familia), Mary Agreiter (Erna – uma de Leo), Paula Schanung (Mëda Rita – mëda de Karin), Ingrid Castlunger (Ghest). La rejia é de Ellen Alfreider cun l’aiüt de Annemarie Schenk, la soffleuse é Alexa Alfreider y la tecnica de Marco Valentin y Christian Valentini. An pó se prenoté, plü ion tres Whatsapp al 345 4669281 (a usc ma dales 20:00 ales 22:00).

Titlá te Tublà
N juebia ai 9 d’utober dala 20.30 mujiga populera nueva dl Puster
Bele da passa 30 ani incà ntujiasmea la grupa Titlá l publich cun si mujiga populera nueva. Cianties tradiziuneles ciantedes tl dialet puster fej pert dl repertoire coche nce sonns irlandesc, celtics y yiddish. La cumposizions scrites dai cumëmbri dla grupa fej la mu­jiga de Titlá unica, autentica y ntensiva. Mujiga, che ne se lascia nia nfluenzé dala modes dl mumënt y che resta nscila defin particulera.
Titlá sarà da audì tl Tublà da Nives te Sëlva n juebia, ai 9 d’uto­ber, dala 20:30.
Ntreda: 10 € – Cumëmbri 8,00 €
Per apusté la chertes: Whatsapp 333 71 664 71, info@tubladanives.it

L’alcol: tres plü jonn, tres plü pesoch, tres deplü!?
Na sëra d’informaziun cun le »Forum Prevenziun«, en mercui ai 8 de otober dales 19:30, tl Zënter dla jonëza y cultura SaJ.un a La Ila
L’alcol fej pert de nosta vita da vignidé, mo le comportamënt de consum di jogn é tl zënter de tröpes discusciuns: datrai vëgnel dit ch’ai bër deplü, datrai ch’ai bër demanco co plüdadî, o ch’an sotliniëia ch’al é d’atres sostanzes lapró. Chësc sciüra sö domandes: Co podunse pa fá por che i jogn sides plü co­sciënc de ci ch’ai fej? Tl referat »Alkohol: immer jünger, immer härter, immer mehr!?« dará Anna Maria An­stein dl Forum Prevenziun infor­maziuns sön i reporc atuai dal’Eu­ropa, dala Talia y dal Südtirol. Al gnará tut en consci­draziun le monn di jogn y an baiará di dovëis de svilup te chësta fasa dla vita. L’azënt gnará metü sön la pre­venziun. Al gnará spo mostré sö co che n ambiënt sozial sterch pó sconé i jogn, l’importanza fonda­mentala dl laur de relaziun y la pert che nos adulc un sciöche model. Sëra organisada dal Comité de Raiun Val Badia en colaboraziun cun l’APCAT – Assoziaziun di clubs di alcolisć en tratamënt, che presentará en cört süa ativité.