La Usc di Ladins

Ala dumanda sce i possa pa suné tlo, ti ova n ost dan n vint ani marati n iede respundù "titlá", che ulëssa per dialet sudtirolesc dì "fajëde mé". Da tlo vën l inuem dla grupa: i Titlá. L ie na grupa de Puster cunesciuda nce sëura i cunfins dl Sudtirol ora per si mujiga populera "moderna". L ie na mujiga da tlo, dla Elpes, ma nia mé. I Titlá tol ca nce sonns celc, irlandesc y vel' iede nce meludies yiddish. L resultat ie n sonn che va a urëdla, cianties che vën dal cuer purtedes dant tl dialet sudtirolesc cun pascion, druch y n vënt nuef. 

Ntan la sëira che n à metù a jì n juebia dl'ena passeda tl Tublà da Nives te Sëlva, à i Titlà sunà na bela vela de pec ora de si repertoire: dai ultims che i à tëut su nchin a chëi urmei storics. Danter na matada y l'autra, à i Titlá sunà de bela meludies, che à tucà l cuer dl publich che ie unit a scuté su. Iel pu propi cianties dla jënt, "nosta" cianties che univa y vën sunedes, ciantedes y baledes te nosta stues.

Elisabeth Kostner

L articul ntier tla edizion nueva de La Usc di Ladins de n vënderdi ai 17 de utober.