La Usc di Ladins

Cun l scumenciamënt de dezëmber se à inò mplenì nosta valeda: l ie chi che va cun i schi, chi che vën adalerch per fé d’autri sporc da d’inviern y chi che vën mé nscila, per se goder la bela atmosfera dan Nadel danter la montes. Dessegur iel che n se à ntendù che la sajon à inò scumencià, i mplanc portamont ie inò n funzion y nce chëi da tlo à nuzà l’ucajion per jì cun i schi o fé vel’ autra atività ala­lergia. Ora dla ativiteies da fé, pieta i hotiei de nosta valeda na cualità for plu auta ti ciamps dl’acu­lienza, gastronomia y di servijes mplu per ti jì ancontra ai bujëns di ghesć naziunei y nternaziunei. Gher­dëina y la Dolomites resta una dla lueges scialdi prijedes per se goder n valgun dis de vacanza, scebën che l ne mancia nia vel’ ndesfideda.

On audì n chësc cont Nils De­metz, sëurastant dla HGV Gherdëina, cun chël che on rujenà dla prenuta­zions, de ghesć y de problematiches te nosta valeda.

Nathalie Stuffer

La ntervista cumpleta pudëis liejer tla edizion nueva de La Usc che vën ora chësc vënderdi ai 12 de dezëmber.