La Usc di Ladins

Per ti fé na legrëza da Nadel ai autri se à l jëunn de Sëlva Rocco Gironimi pensà ora velch de uriginel. L à fat su si auto cun passa 6.000 lumes led d’uni culëur y furnì su da Santa Claus iel furnà ncantëur tla valedes ladines. Sies dis alalongia, dai 20 ai 26 de dezëmber, àl uni di fat la raida di cater jëufs ntëur Mëisules cun si auto lucënt. Dlonch ulache l se fermova sautova i mëndri adalerch cun na drëta legrëza a l saludé y pië do i giauloni che ël spartiva ora. »Davia che ti ultims ani audìven for mé de burta cosses – dl covid, dla viera ... – éi ulù purvé a fé zeche de bel, zeche che nes fej sté adum y bën”, nscila Rocco n cont de chësta si scumenciadiva. 

Elisabeth Kostner

L articul va inant tla edizion nueva de La Usc di Ladins de duman vënderdi ai 9 de jené.