La Usc di Ladins

Do la funzion de Juebia Santa iel chiet. Tl luech ne n’àuden nia plu la ciampanes nchin Pasca. A Urtijëi iel la tradizion de suné la craces. I ministronc se anconta sun plaza de dlieja, i se concia su dan rëjes cun de majera y mëndra craces y scumëncia a fé na drëta tiotna. Chësc feji sibe dala dodesc, che nce dala trëi domesdì de ncuei vënderdi sant.

Pasca ie for plu y plu daujin. N se ncunforta bele sun la gran mëssa, n ntënj i ueves y njënia ca la roba da maië che n purterà a benedì - l ciociul, la puces, la fuiacia, l jëut y l sel. La festa dla ressurezion de Die dëssa purté legrëza y speranza a duc. Che l sibe na bona Pasca nce per vo.
 USC