La Usc di Ladins

L Chemun de Urtijëi ti à mandà n comunicat stampa a La Usc n con' de chësc prugram de svilup. Te chësc iel scrit: "Chësc prugram ie n strumënt de planificazion per l svilup dl teritore y dla cuntreda dl Chemun, che trata dantaldut dla tematiches dl nridlamënt, dla cuntreda, dla mubiltà y dl turism y che vel nchin l 2040. Per uniuna de chësta tematiches à l Chemun nciarià n esperta dl ciamp che ova la ncëria de abiné mesures per l Chemun per tenì ite i ubietifs de scunanza dl ambient dla Provinzia. Na grupa de lëur de 24 persones cun reprejentanc de duta la frazions politiches, reprejentanc dla lies y vel' ulenter à sustenì i tecnicri tla elaburazion dl PSCTC te 15 sentedes.
Un di lëures zentrei dl prugram de svilup cumenel ie la definizion dla spersa de nridlamënt, n cunzet nuef che l ne fova nchinamei mo nia. La spersa de nridlamënt (per talian “area insediabile”) tol ite duc i raions abitei che ie bele ncueicundì tl plann urbanistich cumenel y sëuraprò sperses che pudëssa, ti proscims 15 ani, deventé raions abitei. L Chemun arà pona de plu cumpetënzes per dut cieche suzed laite te chësta spersa de nridlamënt y puderà tò dezijions che ne messerà nia plu unides dates pro dala Provinzia".

Dut l articul tal edizion atuela de La Usc.