I cialzá de Jannik Sinner é depënc da na man ladina

Data

25 de jugn 2026

Galaria retrac

Grandeza scritura

Social

De ma é le numer un al monn dl tennis gnü zelebré dala merscia Nike cun n per de cialzá personalisá. Sön la sora él da odëi le percurs l’á porté ala concuista dl »Career Golden Masters«. L’artist che á realisé l’opera é n ladin

Chësc ne s’ess l’artist da La Val Edmund Nagler nia imaginé: ci che romagn por cotan de artisć ma n some, é por ël deventé realté. Ël é l’artist che la merscia »Nike« á inciarié da proieté y depënje n per de cialzá personalisá por le numer un al monn dl tennis.

»Al é sté la merscia Nike che á tut sö contat y impormó te n secundo momënt m’él gnü splighé che ara se tratâ dla realisaziun de chësta scincunda por Jannik Sinner«, cunta Edmund Nagler. L’artist á albü na gran ligrëza canche la merscia internazionala á mostré interes devers de sü laurs artistics y l’ocajiun da podëi realisé na opera unica por n campiun sciöche Jannik Sinner ê propi la cherscia söla turta.

»Al é na ocajiun speziala da podëi realisé na te opera, por n atlet de chësc livel y de n sport a chël che miliuns y miliuns de porsones ti ciara y ti vá do«, cunta Edmund Nagler.

Liede inant tla ediziun nöia de La Usc di Ladins de chësc vëndres, ai 26 de jügn!