La Usc di Ladins

»Le lascé alsavëi. N’él forsc nia chësc ci che la poesia dess fá?«. Cun chësta domanda s’á l’auturia de Badia Roberta Dapunt taché ite cun so discurs porté dant tratan la surandada dl »Premio Montale Fuori di Casa« 2026, rové a süa 30ejima ediziun.
Por süa opera poetica intiera á Roberta Dapunt pié do ai 16 de jügn tla Biblioteca Sormani a Milan le pest leterar de prestisc, dediché al scritur talian Eugenio Montale.
Por Roberta Dapunt é le poet testemone dl presënt y le sëns zivil é la fondamënta dla poesia. Na vijiun che se coliëia ala poetica dl scritur a chël che le pest i é dediché. Inant é la poetica dl’auturia caraterisada da n lian strënt cun la tera, la natöra, le corp y la vita rurala. Ajache chësc él, da chël che la scrituria lascia pié ia süa poesia vion sön n lüch da paur: da ci che ara á incëria. Ara osservëia y cunta la »conditio humana« te sües sfomadöres desfarëntes, ciafan tla parora n meso poetich por atoché l’imaginar universal. 

Por l’auturia é la poesia le meso: »La poesia ti vá do al impëgn de cunté chë pert dla storia che ma la dimenjiun poetica sá da cunté cun autentizité«, dij Roberta Dapunt.


Liede inant tla ediziun nöia da incö, vëndres ai 26 de jügn!