La Usc di Ladins

Fertuna tla desfertuna cun l tëmp a Santa Cristina n dumënia dl’ena passeda, n ucajion dl apuntamënt tradiziunel cun la trohtes y la lies dla valeda. Puech dan la cater domesdì, ëura ududa dant per l scumenciamënt dla defileda, iel unida na drëta jeta y n ova belau tëma de messëi desdì dut. Ma a Santa Cristina ne n’àn nia ulù la dé su tan aslune y bel mpont àla mo butà: da mesa la cinch ti l’àn fata a pië via. 
Nce duta la jënt che fova unida aposta da dlonch caprò ie ntant jita a sosta, ne dajan nia su la speranza de pudëi mo udëi i partezipanc y la partezipantes dla defileda, bele furnii su y njiniei ca a puntin. Te chësta maniera fova la legrëza mo majera canche l zënter de Santa Cristina se à mplenì de culëures, meludies tradiziuneles y di guanc dala Gherdëina. Turisć y sambën nce la jënt da tlo ne manciòvel nia a ti cialé cun marueia ala gran arpejon de guanc tradiziunei.

Nathalie Stuffer

Dut l articul pudëis liejer tla edizion nueva de La Usc che vën ora n vënderdi ai 7 de agost.