Ince sce al é ciamó tröpa nëi sö alalt, á la sozieté dai lifc La Crusc tut la dezijiun da pié ia denant. Cun la domënia ai 6 de jügn jará en funziun i lifc La Crusc 1 y La Crusc 2, che restará spo daverc cina ai 3 d'otober. Deplü sará les limitaziuns y les normes che an messará tigní ite tratan chësc ann de pandemia, sides por ci che reverda i lifc, co tl parch dai jüc che é sönsom le pröm lift. Do na sajun, chëra da d'invern, olache an á messü resté frëms, é la vëia da pié ia grana. Le turism, setur che l'á paiada dassënn a gauja dl virus, á debojëgn de na sbürla, mo »zënza esageré«, dij Luigi Frenademetz, presidënt dla sozieté dai lifc.
I ti ún fat na intervista che i podëis lí tla ediziun stampada d'La Usc che vëgn fora en vëndres ai 21 de ma. (kp)
La Crusc pëia ia denant
La sozieté dai lifc La Crusc á tut la dezijiun da antizipé la daurida y da lascé pié ia i lifc La Crusc 1 y La Crusc 2 bele la domënia ai 6 de jügn. I nen ún baié cun le presidënt Luigi Frenademetz
Galaria retrac
- I lifc da La Crusc piará ia ai 6 de jügn, scebëgn che al sides ciamó tröpa nëi sö alalt.
- Le presidënt dla sozieté dai lifc La Crusc, Luigi Frenademetz.
View the embedded image gallery online at:
https://www.lausc.it/valedes-ladines/val-badia/15756-la-crusc-peia-ia-denant#sigProIdcc9a651c28
https://www.lausc.it/valedes-ladines/val-badia/15756-la-crusc-peia-ia-denant#sigProIdcc9a651c28