Le setur dl frabiché vir n momënt nia saurí. La ciarestia de materies prömes, che á sciöche conseguënza l'aumënt di prisc, á metü man ala fin dl 2020 y s'á lascé ciamó plü sintí cun i pröms mëisc dl 2021. An stënta da ciafé dantadöt metai, materies plastiches che vëgn trates fora dal petröre, petun y lignan. Les gaujes é liades a deplü faturs, danterater les stlütes por via dla pandemia y speculaziuns sön i marciá internazionai, che vëgn da na domanda tres maiú de materiai da pert de America y Cina. Ara se trata porchël de n problem mondial, che an sënt n pü' indlunch, ince te nüsc pici paisc. I s'un metü en contat cun Martin Nagler, patrun dla firma da tisler y zumpradú »Nagler Holzbau«, che nes á cunté val' deplü, en particolar de sciöche i artejans dl post – dantadöt tisleri y zumpradus - vir chësta situaziun: »Da forá dl 2021 incá á le lignan metü man da gní mancia y le prisc á scomencé da crësce. Da forá dl 2021 él jü sö de feter le 60%. Les gaujes che á porté a chësta condiziun é desvalies: le marcé s'á n pü' archité por via dla pandemia, mo la domanda dl lignan é chersciüda, deache an vá tres deplü dl vers dl'adoranza de materiai naturai. Por ejëmpl, jö por la Talia, cina dan da n valgügn agn, gnô i tëc fac cun d'atri materiai, sëgn vëgnel preferí le lëgn«, dij Martin.
Deplü tla ediziun da incö, vëndres ai 17 de setëmber. (kp)
Le lignan costa sëgn deplü
Data
17 de setember 2021
Grandeza scritura
Social
Te n momënt olache al é ciarestia de materies prömes, él ince tres plü ri da ciafé lignan. Le prisc dl lëgn é chersciü. Da forá dl 2021 él jü sö de feter le 60%. Les gaujes: la pandemia y na speculaziun sön i marciá internazionai
